Saturday 1 December 2012

DHAAR SE RADHAA TAK


DHAARAA YE AGAM KI..SATGURU DAYII LAKHAAY..
TAAHI ULAT SUMIRAN KARO,,,SWAAMI SANG MILAAY...
-----FROM SANT KABIR DAS JI...
..kabir das ji ne ye shabd kahey thhey...dhaaaar agam alakh lok se utri hai...ye aanand ki dhaar hai jo anvarat bah r
ahi hai aur yahi wo aakaash se utri ganga hai jo sri narayan k angoothey se yaani prem se upji aur nikli hai aur brahma k kamandal mei yaani srishti se aur gyan se mili...gai aur wahan se utar kar shiv ki jataao mei samaaii aur fir sirf ek patli dhaar k roop mei dharti par bahi kyuki is abaadh aanand ki dhaaraa ko dharaa j jeev nahi samhaal paatey kyuki is aanand ko aur dhaara ko samhaalney k liye shiv hona hota hai yaani shav yaani mrit se jaagrat aur irhaa yaani pooran hona hai khud mei...aur is aanand ki dhaar ne raja sagar k hzaari shav putro ko shivatva diya aur raja bhagirath iska maadhyam huey...yaani jo bhaagyavaan rathi is dhaaraa k pravaah ko us alakh agam se utaar laaney mei saksham hota hai wahi is dhaar k pravaah se shav se shiv banaa sakta hai aur uskey liye swayam ko shiv banana pahley zarooi hai...shav se shiv tak ki yaatraa sabse pahli seedi hai....is dhaar mei stri purush ka bhaid is sansaar ki seema se hota hai...kabir kahtey hain k ye dhaar alakh agam se aati hai aur isey satguru hi dikhaatey hain aur fir is dhaar ko jaan ney k liye isey ulta kar do aur radha kah lo fir ye swami se milati hai...ab baat wahi hai k ye sansaar seedhey munh ka ghadaa hai aur oopar brahmaand ulta munh humaari oar kiye ghadaa hai aur us alakh agam ki dhaar ko anvarat us ghadey se is ghadey k munh mei bahaa rahaa hai....yahi wo aanand dhaaraa hai jab ye is sansaar se ulat kar vaapas oopar k ghadey mei khinchti hai...jaise humaarey sheesh aur sabhi chhidro se humaarey andar ye dhaar aa rahi hai aur hum oorjaawaan ho rahey hain aur jab bhajan dhyan sumiran se is shareer k chhidro se aur sahastr dal kanwal se ye dhaar waapas oopar apney gomukh tak jaati hai ...GOMUKH...KA SWAROOP BHI YAHI HAI...SAAMNEY SE CHHOTAA AUR ANTAR SE VISHAAL...JAISEY ULTA KUMBH YAANI GHADAA...MUNH SE CHHOTA AUR ANTAR MEI VISHAAL...GAHRAA...YAHIN ANANT MEI YE DHAAR RADHA HOTI HAI...JAB ULAT KAR PUNAH USI DHAAM KO BAHTI HAI JAHAN SE AVTARIT HUII THI...yahi tou radha hoti hai..aur swami yaani krishna swaroop ho jaati hai...sri krishna aur radha ji ko ek roop mei prakat karvaaney k liye sant haridas ji ka yahi matlab tha aur unhoney SRI BAANKEY BIHAARI JI KA PRAAKATYA KARVAAYA ...KOTI KOTI PRANAAM SATGURU K CHARAN KAMLO MEI...SRI NARAYAN K CHARANAARVIND MEI...SRI BAANKEY BIHAARI LAAL JI..SRI RADHA MAHARANI JI K CHARNAARVINDO MEI...SABHI SANTO K CHARNO MEI...
...RADHASWAMIJI...JAI SRI KRISHNA JI...
---Chhavi Mehrotra
 —

MAANAS KI SRISHTI


MAANAS KI SRISHTI...
____________________________
aksar ye prashn jeev k mastishk mei ghoomtey hain k ye srishti kab khatm hogi???kab nasht hoga ye sansaar...???jis bhi vastu jeev ki srishti hogi uska ant bhi hoga ye nishchit hai ye jaantey
huey bhi ye anjaana sa bhay kyu bhatbheet karta hai jeev ko??shaayad hakeekat yahi hai k jeev swayam k hriday maanas aur bhavo mei apni srishti karta rahta hai aur usimei apney dwara rachit sansaar ko swayam jeeta rahta hai aur swayam k sandeh,bhay,atyadhik lipsa se is apney hi sansaar ka vinaash bhi swayam kar deta hai...na jaaney kitni hi srishtiyaan rachi jaati hain is jeevan mei aur paalit ki jaati hain aur sanhaar bhi swayam hi kiya jata hai...ye bandhan tou katney hain kyuki srijit bhi kiye jaatey hain...fir kyu sochna k dunia kab samaapt hogi???jabki jeev apni srishti ko swayam nasht karta chalta hai....na jaaney kitney janmo ki adhoori lipsaaein janmo ki nirantarta ka kaaran banti hain aur behad shradhdhaa se jeev swayam ka hi pichhley janmo ki lipsaao se naataa jodtey huey unhi lipsaao ko shaant karney ki tamannaa mei pitar roop mei apna hi shraadh karta chalta hai...ye dunia kabhi samaapt ho hi nahi sakti...ye dunia yadi is roop mei samaapt bhi ho jaayegi tab bhi is dunia ka astitva ek doosrey roop mei rahega aur jaisey aaj puraano mei na jaaney kitney hi kalpo ki kathaaein hum parhtey suntey hain wo yu hi chalti raheingi...bass paatr judtey rahengey...arjun krishna tou aatey rahey hain aatey rahengey...mahishaasur hotey rahey hain aur devi prakat hoti rahi hain aur mahishasur yu hi martey rahengey...ye tou dunia ka srijan hai aur roop badal badal kar ye srijan paalan aur sanhaar ,...jo sanhaar hai hi nahi...kalyaan hai...hota rahega....BAAT APNEY MAANAS KI MAANAS K DWAARAA MAANAS KI SANTUSHTI K LIYE KI JAANEY SRISHTI KI HAI...JO HOTI RAHTI HAI...POSHIT HOTI RAHTI HAI AUR VILUPT HOTI TOU HAI PAR EK NAI SRISHTI K UTSARJAN AUR POSHAN AUR VISATJAN K LIYE HOTI RAHTI HAI...
.....RADHASWAMIJI...JAI SRI KRISHNA I..
---Chhavi Mehrotra

SOOKSHMTA SE STHOOLTA KI SRISHTI AUR STHOOLTA KA SOOKSHMTA MEI VILAY


SOOKSHMTA SE STHOOLTA KI SRISHTI AUR STHOOLTA KA SOOKSHMTA MEI VILAY
__________________________________________
Brahmaand ki oorjaa onmkaar swaroop hai...fir usmei gyaan ki oorja milti hai jo ainm swar hai...aur yahin se ahankaar ki uttpatt
i hai...aur jo bhi jeev yahan shareer dhaaran kar prakat hua wo sant bhaav se nirmit hi hota hai aur yahi santatva uski chetna hai par jab shareer ki sthoolta prakat hui hai tou ahankaar ka swaroop tou avashya hota hai...jahaan ye ahankaar sant bhaav se paripooran hota hai wahaan wo sant bhaaav se bharaa hua jeev apney shareer tak seemot nahi rah jaata aur wo samaaj ko khul khul kar uski khaamiyaan ginaataa hai aur sant bhaav se ginaataa hai...wo swaarth bhaav se parey ho jaataa hai par sikshaa dena nahi bhoolta aur shikshaa deney mei kahin ye bhaav rahtaa hai k sabkaa kalyaan ho aur jaisey hi ye bhaav aaye k jagat ka kalyaan ho ye nishchit ho jata hai k mujhmey koi gun hai k merey dwaaraa sabka kalyaan ho par wo sant bhaav se bharaa jeev na tou se samajh paataa hai na dikhaataa hai kyuki ye ahankaar bhaav kalyaan kaari aur apratyaksh hota hai aur itna apratyaksh hota hai k sant bhaav vyakti nahi samajhta yahi bhaav shareer ki sthoolta tou deta hai kyuki ye srishti k gun se nirmit hai par chetan itna shudhdh aur halka hota hai k ye sant bhaav jeev apna oksh swayam lekar chaltey hain...par jis jeev mei shareer ki sthooltaa aur chetan ki sthoolta mil jaati hai wo swayam ka poojan karvaa kar hi trpt hotey hain ye ahankaar badaa mukharit hota hai aur kalyaankaari tou hota hai par sant bhaav se jagat k liye kitnaa kalyaan kaari hota hai ye us ahankaari vyakti k abhisht k swaarth par nirbhar karta hai...is ahankaar mei ahankaari na tou apna kalyaan karta hai na jagat ka...is jagat mei bhakto ko chaahiye k ye shareer tou srishti k gyaan tatva k ahankaar se nirmit hokar humey mil hi gaya hai tou hum bhatak na jaayein tou zaroori hai k swayam ki chetna ko sadaiv jaagrit rakhein...apni baat kahein par jagat k liye nahi balki apney swayam k abhyaas k liye kahein aur isliye kahein jissey humey baar baar yaad aati rahey humaarey liye...koi jagat mei prashasaa bhi karey tou isey kewal satguru ki kripa hi maaney...bina satguru ki kripa k ye sthooltaa ahankaar k shareer ki chetna ki sookshmta ko bhi nigal jaayegi aur kewal ahankaar ka saamraajya hi vyaapt hoga...

...RADHASWAMIJI...JAI SRI KRISHNA JI..
---
Chhavi Mehrotra

SABHI BHAAV APNEY

BRAHMA tatva hain brahmaand...yaani budhdhi ka...yaani sato gun ka...aur NAARAD tatva hain maanas putr brahmaa ka yaani sato vichaar ka yaani budhdhi mei uttpann satva vichaar ka aur VAALMIKI tatva hai saansaariktaa mei lipt ahankaar...vibhats bhaav..agyaan ka...maanas aur sato vichaar kabhi sansaarikta se bhaybheet nahi hotaey aur mann ko apney aatm vishvaas aur saatvikta se sansaar ka asli roop dikhaa hi deta hai k yahan koi kisi k karm ka bhaagidaar nahi hai...sab apney hi dwara nirmit bandhan se bandhey hain aur yahi bhaav vaalmiki roopi mann ko is sansaar roopi rishto se mann k kiye paap mei bhaagidaari nahi milti...budhdhi ka maanas ka satva tatva jitna shudhdh hoga utna adhik prabhaavkaari hoga mann ko baandhney mei ..ektara jo ek aatm ek paar brahm ka prateek hai ang sang hai aur ek omkaar ka sangeet deti hai....aur mann jo paar brahm ki dhaar se juda hai wo seedha ram naam lekar dhaar nahi pakad sakta aur isiliye is sansaar se is dhaar ko radha hokar shabd ko pakadnaa hota hai aur jitna ahankaari hoga utna hi mann ko maarney k liye mara mara kahna hoga aur fir wahi dhaar ulat kar ram hokar bahney lagti hai aur neech kapti lutera mann shudhdh brahmatva ko praapt kar leta hai aur fir prem ka sushupt bhaav ka ankur bhi mann mei foot jata hai aur martey huey kronch pakshi k premi jodey k atulniya aalokik prem ko dekh kar vihval hokar kaavya kah uthtaa hai...usey ye dekh kar aashcharya hota hai k is nirmam swaarthi sansaar mei ye premi pakshi jodey mei se ek pakshi ki mrityu hotey hi doosraa pakshi bhi prem mei viyog se praan de deta hai...aur ek agyaani maan k andar se adbhut kavi bol uthtaa hai..yahi hai MAHARSHI VAALMIKI ki gyaandeyi katha ki praasangiktaa...sab kuchh humaarey andar hai...sab paatr...sab bhaav sab humaarey hi bheetar hain...RADHASWAMIJI..JAI SRI KRISHNA JI...
---Chhavi Mehrotra

Tuesday 9 October 2012

KHUDA MANKEY MEI NAHI MANN MEI HAI

uski daya ka hisaab lagaaogey tou behisab paaoogey,
detey hain duhaai uski tou kya sachchaaii ko pa jaaogey...
imaan ki kasam khuda ki duhaaii de de kar khoob becha usko,
zara si thais lagi tou bulbuley sa gaayab paaogey...

kisi k jism mei kisi k dil mei kisi k armaan mei posheeda hai wo,
aashik ki zubaan se suno tou kya usey jhuthlaaogey...
aansuo mei kabhi chhupaya kabhi zubaan se becha usko,
yaar ki yaad aur zindgi milney ki khlish mei usey paaogey...

saaso ki raftar mei hai wo kya usey gin paaogey,
mere har lafz ki hala mei bahta hua usey paaogey...
meri muhabbat mei,merey soaz mei mainey rakha usko,
mujhey bhula dogey...jala dogey...na bachegi khaak...kya fir usey tum paaogey....
-----RADHASWAMIJI…JAI SRI KRISHNA JI…
----Chhavi Mehrotra

Tuesday 18 September 2012

SUMIRAN AUR OORJA PAR PRABHAAV


.ye mann hi bada ganvaar hai ji...satguru tou shareer ya ashareer sab tarah se humaarey sath hain...par sirf humara shareer se gurudwaarey mei ya guru sthan par jana seva karna fir khel kood karna ye sb tab tak bekaar hai jab tak mann samarpit nahi hua...ye sirf ek outing maatr hai....jab mann se samarpan ho aur tann ka hosh na rahey tab satsang hota hai....tan apney aap hi swatah guru seva karey bina kisi laag lapat k...  khud ko jaannaa sabsey pahlaa kaam hai aur wahin se sumiran shuru hota hai...humney kya kamaaii ki ye sochna hai...apney bheetar jana hai aur khojna hai khud ko....mai ek baat kahti hu ji k GHAR SE BAAHAR MANN LAGAANEY KO WO GHOOMTA HAI JISKA GHAR GHAR NA HO....GHAR K ANDAR AANAND MANANA HI SABSEY PAHLAA KADAM HONA HAI...hum aksar kahtey hain k arey mann nahi lag raha hai tou ye khojna hai k kis liye mann nahi lag rahaa...kon si baat humey kheech rahi hai apni oar...fir usko suljhaa kar baitho shaant chitt se ...sumiran aisa ho k saakshaat satguru samaksh upasthit ho aur aansu bah jaaein ...aur maalom hi na parhey....tan mann pran se sumiran ho....aksar hum kahtey hain k sansaar k dost rishto ko yaad nahi karo vighan aataa hi sumiran mei...arrey nahi aisa nahi hai...hum kaisey prem karna chhorh dein...jinhey prem kiya hai hum unhey yaad karna agar chhorh dengey tou wo jabarjasti mann praan tann aur chetan ko baandhna hai aur wo fir antar mei khalbali paida kartey rahengey kyuki hum tou premi jeev hain aur prem karna humaaraa kudrati niyam hai tou nirantar prem kartey rahna hai sabsey...aur mainey dekha hai k koi fark nahi parhta issey hari sumiran mei balki jab sab premijan hriday mei aanadit hotey nivaas kartey hain humaarey hriday mei tou satguru bhi pragat rahtey hain har samay antar mei aur sab kuchh krishnamay dikhney lagta hai...sakha krishna aur sudama sa miltey hain kabhi soordaas krishna si thitholi hoti hai...ye sab aanand ki anubhooti k tatva hi tou hain...insey chhutkaaraa paaney ki soch hi sabsey badi rukaavat hai sumiran mei...prem kartey kartey sab apney aap dheerey dheerey thaharta jata hai aur dhyan sirf ek aanand ki oar hi ekaagr hota jata hai...kahin koi jabar zor ka kam nahi hota...sab sugamta saralta e banta jata hai...ye sansaar bura nahi hai...isey shareer mei basaa kar sath chalney mei koi buraaii nahi hai...shareer sthool ho jata hai humaarey shaaririk karmo se aur shareer se kam sthool hai aatmaa jo vichaaro se sthoolta leti hai aur vichaaro k halkey aur bhaari honey khud ka halka aur bhaari hona nishchit karti hai aur aatmaa se kam sthool yani halki hoti hai oorjaa..jo har samay banti aur prasfutit hoti rahti hai...jaisey chini k saarey kano ko mila dein tou solid cube hua wo der se paani mei ghulega...fir chini k chhotey kan ussey kam sookshm hain aur zaraa jaldi paani mei ghul jaatey hain aur fir hai pisi huii chini ya chini ka booraa jo turant paani mei ghul gaya...isi tarah humaarey shareer ki sthoolta k kaaran wo toot sakta hai...jal sakta hai...par usmei se kaii shareer nahi ban saktey...shareer ki koshikaao se doosra shareer banta hai maa k andar wo bhi tab jab ek purush tatva judey tab...lekin wahi shareer usi shareer se tod kar nahi bantaa..haan jab shareer k sansaari tatva jo shareer ko sthool banaatey hain itney sookshm ho jaaein k shareer se vilag ho jaaein tou wo shareer guru naanak dev ji...kabir ji aur meera baai ji ki tarah vileen ho jaataa hai apni sookshmta se...aatmaa tatva vichaaro ki paushtikta se sthoolta leti hai..aur usi hisaab se vajan leti hai aur jab shareer se nikalti hai tou apney vajan k anusaar hi oopar ki oar khichti hai...shastro mei varnit bhi hai k jab ashudhdh karm..dukh se bharpoor karm..kashkaari karm..daitya daanvi raakshasi karm ho tou aatmaa shareer tyaagney k baad turant shareer chaahti hai kyuki wo oopar brhmaand paar karney mei asamarth rahti hai aur yahi wo vajan hai jo aatmaa ko bhi mukt nahi honey deta aur aatmaa vighatit nahi ho sakti..ab tatva hai ussey bhi sookshm oorja...ye oorja sabkey shareer ka pramukh tatva hai jo us RAAM yaani paar brahm yaani THE BIG BOOM RADIATION SE NIKLI HAI..yahi tatva hai pooran brahm ka...ek pramukh oorja k vistrit aseemit prakaash se nikalti huii irno se nikla hua tatva....aksar log kahtey hain k humaarey ghar par bhoot hai...ya koi saya hai..ye kuchh nahi oorja hai...aksar humaarey hi shareer se itni negetive oorja nikalney lagti hai k wo ek sthool roop le leti hai aur swayam ka kaarya kshetr tak nirdhaarit swayam hi kar leti hai...aur humey hi prabhaavit karney lgti hai...isiliye humey apni hi soch aur samajh ko vichaaro ko itna open khula rakhna hai k sab oorjaa halki rahey yahi humaarey aura ka khula hona bhi hai...aksar hum kisi bhi sant sadhu ya vyakti k aaney s kah uthtey hain k arrey kitna khushnuma sa ho gaya sab ya kitna shaant sa lagaa mann ko..yahi oorjaa ka baahari kshetr ko prabhaavit karna hai...oorja ka vightan hota hai...isiliye kaha jaata hai k buri oorjaa bhaari hoti hai zyad jabki achchhi oorja halki hoti hai...buri oorjaa zyada asar kar jaati hai kyuki wo sangthit ho kar bahot sthool ho jaati hai par toot bhi jaati hai ...saptshati mei raktbeej naamak daitya ka udaahran hai k uskey rakt ki ek ek boond mei beej thhey aur ek ek boond se hi aneko raakshas paida ho jaatey thhey agar uskey rakt ki bood dharti par girti thi tou...yaani kitni taamsikta rahi hogi us raktbeej daitya mei k uski rakt boond mei beej thhey aur srishti tou hai hi maatr roop...srijan roop..tou sishti k sparsh maatr se un boond se daitya nirmit ho jaatey thhey...ye sthoolta ki praakaashtha hai...yahi sab humaarey sumiran ko baandhtaa hai...tou humey yahi dhyaan rakhna hai k sab kuchh saraltaa sugamta aur aahlaad se aataa rahey aur nikaltaa rahey...kahin kisi ko jabarjasti baahar nahi dhakelna hai aur na hi jabajsti andar daalna hai aur na hi pakadna hai aur na hi chhorhna hai...satguru ki kripa se bass ekaagrchitt prasann mann se halkeypan se aahlaad se bharkar hari chintan karna hai....baaki fir aagey satguru samhaal lengey lekin agar hum baithengey hi nahi aur dhyan nahi rakheingey saralta sugamta prem aahlaad ka tou fir satguru kya kar saktey hin...fir humey dosh nahi dena hai kyuki hum khud ko itna sakhti se baandh rahey hain k gaanth dar gaanth bandhti ja rahi hain tou rukaavat tou aayegi hi...satguru se daya ki bheekh maangney se wo bhi gaanth khulengi par fir wahi niyam hai saralta sugamta prem aahlaad se samarpan ka..bina shikaayat kiye...SAGURU DAYA BHAAG MERA JAGA..NIS DIN CHARAN BARHA ANURAAGAA ....RADHASWAMIJI...JAI SRI KRISHNA JI….
---Chhavi Mehrotra

Monday 17 September 2012

GURU TATVA SRISHTI


har tatwa jo srishti se judaa hai wo guru tatwa hai kyoki guru bhi shishy ki srishti karta hai...jaise janam se poorv beeej ko bachchaa maa ne banaya pita ne poshan kiya aur us komal paudhey ko guru ne seenchaa aur ek vriksh banaa aur guru ka guru ko samarpit..yaani srishti ka srishti ko samarpit...ye srishti hi guru roop hai.. .srishti stri roopa hai…stri ki sundartaa mei nahi fasnaa chaahiye waa
li baat zaraa ajeeb lagti hai kyoki stri ki sundartaa tou devi ka vardaan hai aur devi ka roop hai par uski taraf aakrisht honey mei koi buraaii nahi hai par stri ki sundarta mei apni drishti ko taamsik karna stri ki us sundartaa ka apmaan hai aur purush ki raakshsi pravritti ka parichaayak hai kyoki jitney bhi asur devi dwaaraa maarey gaye wo sirf isi avgun k dwaaraa hi maarey gaye...varnit hai k haathi ko jab pakadnaa hota hai tou gaddey k oopar has par hathini ko baandhaa jaataa hai aur hathini ki oar aakrisht haath gaddey mei gir jaataa hai…praacheen kaal mei ye reet apnaaii jaati thi jiska udaahran sanyaasiyo stri se doori rakhney k liye diya jata raha hai….haathi ka hathini k kaaran garhrhey mei girney ka matlab hai apni hi vaasnaao ki taraf itna aakrisht hona aur gart mei gir jaanaa...makdi ka apna jaalaa bun kar usi mei mar jaanaa niyati hai uski usi tarah hum bhi apney hi vishay vaasnaa k jaal khud buntey hain aur khud unmei fans k mar jaatey hain....hiran ki tarah stri ka geet sunkar vinisht hona nahi baliki devi saptshati k anusaar jab paarvti k shareer se sri ambika ji prakat hui devtaao ki praartha k baad tou wo apna mahal rach kar veena ki madhur lahriyaan bajaaney lagi jis sey raakshas chand mund un par mohit ho gaye aur raakshraaj shumbh nishumbh ko us sundri ko paaney k liye kahney lagey kyoko daaityo ne devtaao ki sabhi savshresheth vastu aur samridhdhi haasil kar li thi aur ye devi striyo mei shreshth thi tou har sarvshreshth vastu raakshaso ko milni chaahiye thi aur fir devi ambika k hatho ye sabhi raakshas maarey gaye...tou baat ye hai k jab maanav stri k saundarya ya saneet ya gun mei bhi vyasan dekhta hai aur us devi k roop ko kewal vyasan ki drishti se dekh aasakt hota hai tou fir uska vinaash nishchit hai...mera kahney ka matlab hai k har stri ya srishti ya saundraya na tou bura hai na vinaash ka kaaran hai balki humaari apni raakshasi pravrittiyaan hi humaaarey vinaash ka pramukh kaaran hain.
…RADHASWAMIJI…JAI SRI KRISHNA JI…
---Chhavi Mehrotra

YATR NAARYASTU POOJYANTEY RAMANTEY TATR DEVTA


MANU KAHTEY HAIN...YATR NAARYASTU POOJYANTEY RAMANTEY TAR DEVTA....JAHAN NAARI KI POOJA HOTI HAI WAHAAN DEVTA RAMAN KARTEY HAIN...par aaj isi bhoomi par visham sthiti hai....beti ko janam dene se poorv ya janam k baad log maar detey hai aur wo log kitney kuroop hriday k swammi hongey....darasal baat ye nahi hai k ladki ko maar detey hain baat ye hai k jab soch simat kar vyaktigat rah jaati hai tab ye hota hai...jab srishti nirmit huii tou insaan ne uskey dwara apna bharan poshan kiya aur usey isliye maa kahaa aur stri ka badaa maan sammaan kiya par jab dheerey dheerey 
khud ka gyan barhta gaya aur kaabliyat barhti gaii tou soch bhi dheerey dheerey utna hi faaydaa nuksaan sochney lagi..jab rishi muni kewal bhajan sumiran kartey huey maatr srishti k sath rrahtey thhey tab kaatyaayan rishi ne devi ki upaasnaa kar vardaan praaapt kiya aur devi ne swayam unkey ghar mei prakat ho kar kaatyaayni roop mei apna swaroop dikhaya aur putri roop mei hi unka vansh barhaayaa aur kaatyaayan gotr chalayaa aur maatr sattaatmak parivaar ki sthaapnaa huii...stri ko ek mahatwaapoorn vidushi ka sthaan samaaj mei praapt tha par jaisey jaisey samaaj mei kewal shareer ki zaroorat aur vilaas kendr honey lagaa stri bhogyaa rah gaii aur fir kewal vastu aur fir kray vikray ki vastu....aur kab pita ka sar dard ban gaii swayam pita hi bhool gaye...dakshin mei ek mahaan sant huey jo apni patni ko annpoornaa ki tarah sammaan detey thhey aur jab bhiojan kartey thhey tou ek mitti k sakorey mei paani aur ek suii le kar baaithtey thhey...kisi ne poochhaa k ye kyu tou unhoney kaha meri patni jo chaawal pakaati hai wo itna paavan hai k agar ek daanaa bhi zamin par girta hai tou mai suii se usey utha kar paani mei dhokar fir khaa leta hu...baat sirf bhautiktaa ki hai aur soch ki hai...soch sirf apney bhautik sukh tak hi jab seemit rah jaati hai tou prem khatam ho jaataa hai aur samaaj ka vibhats roop saamney aataa hai jo sidhdh karta hai k manushya itna vibhats bhi ho sakta hai...
 ...RADHASWAMIJI...JAI SRI KRISHNA JI....
---Chhavi Mehrotra

YAATRAA BEEJ KI


ye jeewan yaatraa ki aboojh paheli hai k kab kon kitna paripakva hoga ya kon kaisey soch k sath badaa hoga ya kon kisko kitna buri tarah ya achchhi tarah istemaal kar lega yak on istemaal ho jaayega ya kon nahi hoga aur apni jeewan yaatraa bakhoobi poori kar ek pooran mithaas ko praapt ho sakegaye kachchey aam ki yaatraa ya pakkey aam ki yaatraa sab beej ki nirdhaarit hi hoti hai ji.agar kisi aam 
ko pakkaa na honey dein tou bhi sabhi aam nahi pakengey.kuchh aandhi hawaa mei gir jaayengey.kuch panchhiyo dwara kha liye jaayengey.kuchh kachchey mei hi sarh jaaeingey.kuchh pak tou jaaeingey par mithaas kam hogi aur kisi mei keedaa lagaa hoga.ye tou har aam ki apni yaatraa hai..nirdhaarit...har aam ki apni nasl hoti hai..koi aam chhotey hi pak jaatey hain aur unka usi roop mei prayog hota hai kyuki wo aur badey hotey hi nahi aur fir sarh jaatey hain...tou yaatra tou sabki apni nirdhaarit hai.haan ye baat tou hai k jab kachchepan mei hi kuchh alag banaya jata hai tou khtaas milegi jo swaad mei tou bharpoor hogi yaani bhautiktaa tou milegi par swaasthay k liye behad nuksaandaayak hogi yaani taamsiktaa ki adhikta hi hogi aur vinaash.aur jab kachchey aam ka meetha achaar banana ho tou hum oopar se artificial sugar milaatey hai aur wo bhi bharpoor..kyoki achaar meetha haahiye jo meethey pakey aam ka nahi banea sarh jaayega...ab kachchepan mei oopri mithaas ho tou leney par uska bhi ek hi nuksaan hoa...naash.upyog tou humaarey kachchepan ka hi hota hai kyuki hum bhi shaayad kahin aanandit ho jaatey hain par pakkeypan ki mithaas ka aanand alag hota hai aur wo fir falo ka raja bhi hota hai..
RADHASWAMIJI…JAI SRI KRISHNA JI…
Chhavi Mehrotra

DHAAR PREM KI


LOVE DOES NOT START IN THE MORNIN AND DOES NOT END IN THE EVENING...PREM TOU SHAASHWAT HAI......prem jitna maasoon alharh abodh nishkaam aur aadi ant se rahit hoga utna hi chir sthaaii hoga...premi ban ney k liye abodh baalak hona parhtaa hai jo hum hotey hi nahi hain kyoki mai ye jaantaa hu waala bhaav jo ahankaar ko pusht kartaa chaltaa hai wo rahtaa hai aur wo sadaaiiv bhookh jaagrit karwaataa 
rahtaa hai aur tripti hoti hi nahi hai...bachchey k liye maa ko doodh srishti aur parmaaatmaa ki anmol uphaar hai aur ye kudrati dhaar bahti hai jab bhi bachchaa bhookhaa hoga....aur bachchaa itnaa tript hota hai k wo na chaahey tou bhi maa k dhaar bahti hai sookhti nahi...yahi wo prem hai jo ishwar ne hum sabkey andar diya hai par jab khud ko sahlaaanaa aaney lagtaa hai tou bhookh kabhi shaant nahi hoti aur wo ek agni ban jaati hai aur jalti hai jalaati hai...fir prem ka peechhey bhaagnaa achhaa nahi lagta balki jab bhookh lagti hai tou prem kiraaye par bhi le liya jataa hai aur kuchh pal ko shaant huii bhookh ko tripti maan kar mazaa bhi aa jaataa hai par kyoki wo jo mila wo hakikat mei prem tou tha hai nahi aur fir bhookh jaagrit ho jaati hai aur fir wahi atripti....yahin gaandhaari ka duryodhan, duhshaasan ban jaatey hain...YASHODA AUR KRISHNA NAHI RAH JAATEY...na mann abodh baalak sa maasoom nishchint hai na tript karney wala maataa jaisa prem hai...dhan bhautiktaa roop mei ek bhookh pasar gaii hai sab jagah aur parinaam hai sirf ek aag..vahshipan..
RADHASWAMIJI…JAI SRI KRISHNA JI…
..Chhavi Mehrotra

SATGURU EK PAARAS


satguru wo paaras hai jo lohey ko sona kartaa hai par loha bhi is yogya hona chaahiye k sona ban sakey aur satguru wo ganga hain jo naaley k gandey paani ko bhi apney mei mila kar ganga roop kar detey hain...koyle mei chhupey huey heerey k kathor rookhey paththar ko bhi taraash detey hain aur moolyawaan heera nikaal detey hai...par uskey liye koyley mei wo alag sa paththar tou hona hi parhega ji..
.satguru ki kripa praapt karney k liye shishya ko itna yogya tou hona hi hoga k satguru usey hath se pakad tou sakein...jaisey mitti tou wahi hai par sab tarah ki alag alag mitti k alag alag visheshtaa k diye bantey hain aur wo inhi yogyta k anuroop taail bhi apney andar sokhtey hain...kisi diye ko paani bahot bhigo kar pahley sukhana hota hai...kisi diye ko zyada der paani mei bhigo dein tou wo gal jata hai aur toot jata hai...koi diya bhigona hi nahi hota... wo yu hi taail k liye taaiyyaar hota hai....satguru heera bhi banaa dengey par heera bhi raw stage mei uskey paththar ki visheshtaa par nirbhar karta hai...
---Chhavi Mehrotra
...RADHASWAMIJI...JAI SRI KRISHNA JI....

SANTO KI MAHIMA

satguru ka chhorhaa hua tou SRI NARAYAN BHI CHHORH DETEY HAIN.JAISEY KARN NE KSHATRIYA HOTEY HUEY BRAHMAN BAN K SHIKSHAA GRAHAN KI AUR GURU PARSHURAM DWARA TYAAG DIYA GAYA AUR UCHIT SAMAY PAR VIDHYA HEEN HONEY KA SHRAAP BHI BHOGA AUR SRI KRISHNA K BAAR BAAR BULAANEY PAR BHI DUSHT DURYODHAN KA SATH DENE K KAARAN SRI HARI KA SATH BHI CHHORHAA....NA IS SANSAAR KO PAYAA NA BAIKUNTH PAYAA....
---Chhavi Mehrotra
....RADHASWAMIJI...JAI SRI KRISHNA JI...

SATGURU KI MAHIMA


....GURU PREM BARHAA AB MANN MEI...SURAT LAGI JAAYE CHARNAN MEI...
GURU banaanaa koi mushkil kaam nahi hai aur guru ki sangat karna bhi koi badi baat nahi hai PAR SABSE KATHIN HAI GURU KI RANGAT MEI RANGNA....GURU KA RANG AISA AJAB HOTA HAI K ACHCHEY ACHCHO K BHAAV BADAL JAATEY HAIN....GURU VASISHTH JI BAHOT BADEY GYAANI AUR SHAANT CHITT THHEY....V
ISHVAAMITR SHATRIYA THHEY AUR BRAAHMAN DHARM KA NIRVAAH KARTEY HUEY BRHAM GYAANI HO GAYE THHEY...PAR UNKO EK GUSSA THA WO YE K SRI GURU VASISHTH JI VISVAAMITR JI KO MAHARSHI KA STHAN NAHI DETEY THHEY...VISHVAAMITR JI KO BEHAD KRODH IS BAAT PAR AATAA THA AUR KHOOB TAPASYAA KAR SAARI SIDHDHIYAAN BHI PRAAPT KAR CHUKEY THHEY PAR VASISHTH JI NAHI MAANTEY THHEY...EK BAAR VISHVAAMITR JI NE GURU VASISHTH KO MAAR DAALNEY KA NISHCHAY KIYA AUR EK VRIKSH PAR CHARH GAYE...USI VRIKSH K NEECHEY VASHISHTH JI SHISHYO SE KAH RAHEY THHEY K WO VISHVAAMITR KA BADAA SAMMAAN KARTEY HAIN PAR SHISHY NE JAB BATAAYAA K VISHVAAMITR TOU UNHEY MAAR DAALNAA CHAAHTEY HAIN TOU GURU VASISHTH NE KAHA K YAHI TOU BASS EK KRODH KA AVGUN HAI UNMEY...YADI WO APNEY KRODH PAR VIJAY PRAAPT KAR LEIN TOU WO BRHMARSHI HI HAIN...BASS VISHVAAMITR JI KO YE SUNTEY HI BAHUT AATM GLAANI HUII AUR TURANT VRIKSH SE NEECHEY UTAR KAR GURU VASISHTH SE MAAFI MAANGI AUR GURU VASISHTH NE UNHE MAHARSHI KI UPAADHI DI....
tou aisey kathin...vikat aur madhur saral mohak hotey hain guru...guru apney shishy ko jab apnaa letey hain tou usey GHONT KAR PEE JAATEY HAIN....shishy ko khud mei basaa lete hain chaahey shishy ko unhey pachaaney mei wakt lagey wo saam daam dand bhed se shishy ko sudhaar hi letey hain bilkul waisey hi jaise gharhey ko kumhaar...swarn aabhushan ko sunaar aur julaahaa apni chaadar ko banaa leta hai...zaroorat padey tou luhaar k samaan zordaar maar se bhi ispaat banaa detey hain..guru k sneh par shishy kitna bhi sandeh karey guru bina kisi jawaabi laalach puraskaar ya vijay haasil honey ki chaahat k nirvikaaar bhaav se shishy ko paatr k anusaar maar taad aur sahlaahat dekar sudhaar detey hain...taraash detey hain...hum aksar paristhitiyo se darr kar bhaybheet hokar ruk jaatey hain ya mud jaatey hain par bass ek baar smaran maatr se guru hath pakad kar kheench letey hain..
---Chhavi Mehrotra....
...RADHASWAMIJI....JAI SRI KRISHNA JI....

PRAARTHNA AUR SAMARPAN


EK baar ek seth ji thhey...jeewan bhar khoob dhan arjit kiya...khoob daan bhi kiya...mandir,dharamshala,aspataal khulwaaye...bhookho ko khana khilwaayaa....gareebo ko vastr diye...khoob punya kamaaya aur jab mrityu huii tou BAIKUNTH k dwaar par aakar prahri se boley...darwwazaa kholo ...mainey khoob punya kiya hai tou mai tou SRI HARI k kareeb hi aaunga ye nishchit hai....prahri ne ek badi si k
itaab kholi aur parhney lagaa aur bola k ismey tou tumhaara koi aisa kaam hi nahi hai jo SRI HARI KO SAMARPIT HUAA HO...KAISEY TUMHEY ANDAR JAANEY DU???aur fir seth ji BAIKUNTH SE KOSO DOOR HO GAY....seth ji tou bhauchak rah gaye k ye kya ho gaya...sab kiye dharey pe paani fir gaya...fir seth ji boley mai kya karu???prahri bola k jo jo kaam kiye hain ek ek kar k APNEY KARM GINA AUR JAISEY HI HAZAAR PUNYA HO JAAEINGEY BAIKUNTH KA DWAAR tere liye khul jaayega...seth ji khush ho gay aur apney kiye huey punya ginaaney lagey par 40 se 50 hi punya karm gina paaye aur fir chup ho gaye kyoki uskey baad koi kiya huaa kaam yaad hi nahi aayaa..aur HATAASH HOKAR SAR PAKAD KAR WAHIN BAITH GAYE AUR ROTEY HUEY HATH JOD KAR BOLEY'' HY PRABHU...HEY SRI NARAAYAN...MAI KYA KARU???MAI HAAR GAYA AUR AB TERI HI SHARAN HU ''...AUR SETH JI K SAMARPAN SRI HARI K AAGEY KARTEY HI DWAAR BAIKUNTH K KHUL GAY AUR SWAYAM SRI NAARAAYAN UNHEY UTHAATEY HUEY BOLE....BHAKT TU JAB TAK KHUD SE DOOR HOKAR MEREY PAAS TAK NAHI AAYEGA TOU MUJHEY KAISEY PAAYEGA...TU 2 KADAM TOU MUJH TAK AA JA...MAI 4 KADAM CHALKAR TUJHEY LE AAUN....yahi hai praarthna....PRAARTHNA AUR SAMARPAN...na shabd..na vesh...na desh..na jaati...na dharm...na bhaasha...na vyakti...na stri na purush...na jeev na jantu...na vriksh na prakriti...na geet na laikh...na khushbu na phool...na oonchaa na neechaa...na uttam na nimn...na bhakt na daas...ye har bhaav se rikt hai...praarthna sirf samarpan hai bina kisi bhi vichaar k...poorantayaa samarpan....tan mann praan bhaav janam sabsey door.....
--Chhavi Mehrotra
...RADHASWAMIJI....JAI SRI KRISHNA JI....

NISHKAAM BHAAV

karm sundar bhaav se bharaa hona chaahiye par jab aaj sundar bhaav se bharaa hai tou fir uski koi prashansaa bhi karega aur fir aur adhik sundar bhaav se karm karney ki prerna milegi fir aur adhik prashansaa bhi milegi aur fir dheerey dheerey kab sundar bhaav se karm karney ka bhaav peechhey chhup jata hai aur prashansaa sun leney ki pyaas barh jaati hai maalum hi nahi chalta aur is prakaar vyakti karm gati mei kab gir jataa hai swaarth ahankaar mei khud nahi jaan paataa...tou sahi yahi hai k binaa kisi achchhey burey prem ghrina...binaa kisi bhaav k karm hona zyaadaa uchit hota hai...
---Chhavi Mehrotra
....RADHASWAMIJI...JAI SRI KRISHNA JI...

KYA ISHWAR DAND DETA HAI???


Ishwar humey sajaa nahi detey aur wo kyu dey...jo sab bhaav,..gun se itnaa poorn hai k nirgun ho gayaa wo kya rusht hoga aur kya sajaa dega....jo swaym aanand ka prem ka saundarya ka khajaanaa hai..anant khaan hai wo kya rusht hoga aur sajaa dega...hum janam letey hain aur kuchh bhi smriti nahi hoti...jo paal rahey hain unhey hi mata pita aur apney sagey sambandhi maan letey hain kyuki jab hosh aayaa tou unhoney yhi sijhaya...tab koi ishwar dimaag mei ya mann mei aakar nahi kahta k mai naaraaz ho jaaungaa agar tumney doodh nahi piya...mata pita kahtey hain k agar galat kiya tou galat hoga...aag ka bhi nahi maalum hota...maa kahti hai k jal jaaogey par jab khud garam press ya maachis ki tili jalti hui pakdi tou jal gaye aur dar gay k aag tou jalaati hai...tab ye nahi kahaa k ishwar ne jalaa diya kyuki maalum h nahi hai k ishwar kya hai...ye bhaav hai nirgun honey ka jo hum khotey jaatey hain samaaj mei ek doosrey k sath milney k baad aur fir ahankaar ko apney andar jamaaney k baad...jab taareefein milni shuru hoti hain ya kisi k tokney k baad k tum galat ho doosraa ahi hai ya tum asafal ho doosraa safal hai ur irshya ko jamaa liya antar mei..aur dwaish paalney lagey...kisi se kuchh bhi bola kaisey bhi aur fir kisi doosrey ne bola aur dheerey dheerey returns aaney lagey aur bass shuru ho gaya us anjaan shakti yaani prabhu k sang ladaaii ka daur k tumney sajaa di aur ye bhulaa diya k mera kiya hi laut kar aa rahaa hai....mann mei prem ho par dwaish na ho par ab jaisey duryodan ne bada dwaishpoorn vyavahaar kiya bachpan se hi paandavo k sath par sochney ki baat ye hai k kya duryodhan maa k garbh se ye seekh kar aayaa tha???nahi...uskey pita dhritraashtr k andhepan se upji mahtwaakaanshaa ne dhritraashtr k putr ko vinaash k maarg par chalaayaa...agar gaandhaari pati k andhepan se vichlit hokar aankh par patti na baandh leti aur putr ka sahi maargdarshan karti tou shaayad duryodhan is maarg par na chalta...kamzor pati ki kamzori nahi balki uskaa bal ban jaati aur apney bhaaii shakuni ko uski maryaadaa mei rakhti tou shaayad ye sthiti na hoti...humaari poorvajo ki shikshaa humaarey karmo aur maansiktaa ko janam deti hai tou humey aaney waali peerhi ko sahi disha deni hai...karm humaarey hi humaarey aagey aatey hain...jaisey kuein mei gaii humaari aawaaz hum tak waapas aati hai...
...RADHASWAMIJI...JAI SRI KRISHNA JI...
---Chhavi Mehrotra

HUMAAREY JEEWAN KA MAHABHAARAT


.is man k kurushetr mei humaari mukti ka hastinapur sajaa huaa hai aur us par vijay k liye paanch tatvo se nirmit ye shareer paandav roop mei khada hai aur humaari asankhya vaasnaao k roop mei kaurav saamney khadey hain...ldaaii inkey beech hai...aatmaa roopi arjun jab moh k dwand mei fanstaa hai tou SRI KRISHNA ROOP SATGURU KO jab wo apney jeewan rath ki dor sunp deta hai tab stguru uska jeewan rath apney hisaab se sahi disha aur sthiti mei chalatey huey paar lagaatey hain...hum sab bhi yahi hain kuchh fark nahi hai....har pal satguru roop ko apney sath rakhna hai paar honey k liye na ki sansaar roop naaraayni sena rakhni hai...yahaan pyaar ...lagaav hota hai par usmey koi buraaii bhi nahi hai par khud ko usmey itna lipt kar dena k satguru ka vismaran ho jaaye tou wo vinash ko le jata hai...humey satguru se bandhnaa hai yahaan k rin mei nahi..karn ko sri krishna ne baar baar khaa tha k is dharm yudhdh mei tu merey paas aa...paandvo ka sath dey aur mai tujhey jyeshth kunti putr honey k kaaran jyeshth paandav ka darjaa dunga par karn duryodhan ki mitrtaa k rin mei uljha raha aur manaa kar diya ye kah k ki mai tou duryodhan k rin mei dabaa hu kaisey usey chhorh du...sri krishna ne samjhaya k sab mujhmey hain...kisi ka rin mujhsey badaa nahi hai par karn nahi samjhaa...hum bhi agar karn baney yaani in karn yaani kaano se sansaar ka shabd suna tou bhatak jaaeingey tou humey apney karn se satguru k shabd sunney hain...HEY GOVIND RAAKHO SHARAN AB TOU JRRWAN HAAREY..
...RADHASWAMIJI...JAI SRI KRISHNA JI...
---Chhavi Mehrotra

PUSTAK SE BAAHAR JEENA


kaagaz parh kar...kuchh samajh tou aayega par jab un shbdo k sath vichaar kar kar k khelnaa aa jaataa hai tou parhney se zyada mazaa aataa hai ur jab vichaar nahi rah jaatey ek unmukt bhaav aa jataa hai tou fir itna halkaa ho jata hai jaisey bhaap,..udney lagtaa hai...sthoolta samaapt ho jaati hai...jaisey baarish mei nahana aur shower bath lena kamre mei alag alag anubhav hai...kitaabo se raah ka naksha mil jaayega par khud un jungle...behaad ..paththaro par chal kar raah chalna ek bilkul alag anubhav hai....kitaab mei kisi bhojya padaarth ki vidhi parhna aur fir usko banana ek alag alag anubhav hai...BINA APNEY AAP MAREY TOU SWARG BHI NAHI MILTA...KHUD MARNA HOGA US YAATRAA K LIYE..
...RADHASWAMIJI...JAI SRI KRISHNA JI...
--Chhavi Mehrotra

SWARG AUR NARK


har pal swarg hai aur har doosra pal narak hai....hum sabkey apney apney swarg aur narak hain....jab merey dil ko kuchh rassmay...sundar...aanand deney waala....mazedaar aur pyara laga bass wo mera swarg hai lekin wahi kisi doosrey ka bhi swarg hoga ye nishchit nahi hai...kyuki kisi ki bhi koi bhi khushi...aanand...rass...kisi doosrey ka dukh ka kaaran bhi ho sakta hai...tou mera swarg kisi ka narak bhi ho sakta hai...jab jeev is sansar k bhog mei itna lipt ho jata hai k fir usi mei har pal jeena marnaa dekhney lagtaa hai tou wahin wo apnaa swarg aur narak banaa leta hai...jaisey k koi sundar stri k sath aanand mei leen hai aur wo vaishyaa ho aur dhan lekar apna swarg sajaa rahi ho aur jab us vyakti ka dhan khatm ho jaaye tou kisi doosrey se dhan lekar swarg rach liya aur pahley waalaa vyakti apney swarg se apney narak mei ghus gayaa...jaisey aaj badaa paisa hai ...sab sath hain aur badaa aanand hai tou swarg rach gayaa aur jab ye sab nahi rahaa tou itney vyathit huey k andhkaar mei doob gaye aur apna narak rach liya...har pal k aanand mei ya sath mei ye soch kar jo bhi jeev chaltaa hai k ye mila hi isliye hai k ek din chhootega tou swarg narak ki daanvaadol sthiti se mukt rahta hai...aur yahi mukti sachchi mukti hai aur uskey baad hi dham mei vaas karta hi..
...RADHASWAMIJI...JAI SRI KRISHNA JI...
----Chhavi Mehrotra

SAAR


Sri krishna ne dikhaya k ye sansaar gandaa nahi hai aur na hi isey bhogna ganda hai ...aur jab tak indriyo ko istemaal nahi karogey tou deeply unhey pahchaanogey kaisey????
aur agar pahchaanogey nahi andar tak tou un par niyantran kaisey karogey????kyuki kisi ko niyantrit karney k liye uskey wk points maalum karney hotey hain aur duryodhan ko maarney liye sri krishna ne uski jaangh kamzor rakhwaa di thi uski kam budhdhi aur ahankaar k zariye....aur fir usi jaandh par prahaar karwaayaa bheem se aur marwaayaa...isi tarah ye indriyaa kab hum par apna niyantran kar leti hain humey nahi maalum hota aur yahi har pal har karam mei jaagrit rah kar humey samajhtey chalna hai aur fir aadat ho jaayegi humaari indriyo ko dekhney ki aur fir hum indriyo ki kamzoriyo se un par niyantran kar saktey hain aur ye niyantran isliye zaroori hai kyuki inhi indriyo k zariye humey ishwar se milnaa hai aur aanand lena hai..yahi indriyaan gopiyaan hain sri krishna ki..go+pi...=yaani go matlab indri aur jo indri ko pi ley wo gopi aur ye gopi sri krishna k adheen hain aur inhi indriyo ko nachaatey hain raas mei sri krishna apney anusaar aur radha roopi praan chetnaa ko aanand detey hain aur aur yahin isi shareer mai hai golok yaani indriya ka sansaar jo bura nahi bahot sundar hai...jo aanand aur ishwar milan ka zariya hai...aur yahi roop hai humaarey satguru ka tou humey karam kartey huey guru ko samarpan tou karna hi hai tabhi mukt aanand le sakengey....angulimaal ko bhagwaan budhdh ne apnaa liya aur bhikshu banaa diya par usney tou asankhya katl kiye thhey fir kaisey kshamaa ho gaii usko...yahi samarpan...jab tak gyaan ka uday nahi hua...koi baat nahi..par jab gyaan ho jaaye aur fir jaankar apraadh ho tou wo kshamya nahi ho sakta warnaa us gyan ka kya laabh hai...fir tou prem hi prem hota hai...nishchhal..nishkaam..yahi ishwar milan ka srot hai...
.....RADHASWAMIJI...JAI SRI KRISHNA JI...
---Chhavi Mehrotra
 
 
 

NAIKI KAR DARIYA MEI DAAL


naiki karna ishwariya noor hai aur wo soch kar jab bhi hoga palat kar chikoti zaroor kaatega kabhi na kabhi k ye kyu kiya aur ab kya hoga..kya milega...aur jab khud b KHUD NEKI HOGI TOU HOKAR GUZAR JAAYEGI JAISEY HAWAA...aur jab koi kuchh neki karey humaarey sath tou nahi socha tou zaroor ghaatak hoga kyuki bhaav uttpann nahi hua aur wo oopar se humey matti daal kar kabr banaa diya...fir humaaraa 
ahankaar hi humaari kabr banaa detaa hai....tu ye zaroori hai k naiki kartey samay khud gulaab ban jaaein aur saj jaaein....lut jaaein aur mahak jaaein par koi neki karey tou bhi gulaab ban uskey daaman mei saj jaaein aur itna sundar mahkein k neki karney waaley ko kaanto ki chubhan ka ahsaas bhi na ho ....halaanki jo neki karta hai wo kaanto ki ya chubhan ki parvaah nahi karta par humey tou gulab ban jana hi hai...yahi dharm hai....NAIKI KAR DARIYA MEI DAAL...JISSEY WO SAMANDAR MEI MIL JAAYE...ANANT SE MILNEY KA YAHI PRAYAAS HAI...
....RADHASWAMIJI...JAI SRI KRISHNA JI..
---Chhavi Mehrotra

SIMTAAV AUR VISTAAR KA TAARTAMYA

failaav tou srishti ka niyam hai....prakaash k vikirnan se hum prasfutit huey ek nanhi si kiran ki tarah aur fir vistaar hua kyuki vistaar tou hona hai...aur agar vistaar nahi hoga tou fir ye shareer aur indriyo ka aur is srishti ka judaav bhi samajh mei nahi aayega...aur fir isi vistaar se antar aur baahya dono vistaar ko saamanjasya karna hai ye hum bhool jaatey hain aur yahi samajhney k liye satguru chaahiye...budhdhi aur hriday ka vistaar hum alag alag kartey hain...aur jahaan dono ko ek sath milaanaa hai us sangam par humara paanv nahi thaharta aur fir sirf ek hi dhaar mei hum doob jaatey hain...ya tou budhdhi ki ya fir hriday ki....dhyan bhajan sumiran aur abhyaas inhi dono ko sath lekar kiya jana chaahiye tabhi vistaar santulit hoga aur barhega sath hi sudhrega....indriyo mei doobey bina inhey jaan paanaa badaa mushkil hai aur isiliye asli matlab tabhi maaloom hoga jab vistaar hoga...is vistaar k baad simtaav karna hi hoga kyuki yadi hum swatah simtaav antar se nahi karengey tou srishti tou apney simtaav ki prakriyaa karegi zaroor aur jab srishti apney hisaab se karti hai tou zabajasti ye bandhan sansaar k katney shuru hotey hain aur fir chhatptaahat hoti hai...takleef hoti hai isiliye satguru ki dekh rekh mei aur bhajan sumiran abhyaas se simtaav swatah kartey jaanaa chaahiye...is tarah se ek aanadmay yaatraa hoti hai aur fir mrity k baad ka jeewan jo asli jeewan hai uskaa aanand shuru hota hai...sansaar k daldal mei zaroor dhansna hai varna kamal ki tarah honey ka option band ho jaayega aur kamal ban kar apney oopar ek boond bhi keechad ki nahi tikney deni hai aur khilna bhi daldal mei hai...SRI KRISHNA ne kabhi nahi kahaa k yahaan is sansaar mei janam na lo ya ye sansaar vikrut hai....arjun se bhi yahi kahaa k na jaaney kitney janmo mai aur tum ek sath aaye hain aur ye dharm yudhdh kiye hain tou fir yahaan dharm yudhdh yaani niyam santulan ka yudhdh tou karna hai aur apney premijano se hi karna hai kyuki humey kisi us vyakti se dukh kasht rosh hota hi nahi jissey humara koi sambandh lena dena na ho...humey tou wo hi chhodtey hain jo humaarey apney hotey hain...humey wo hi dhokha detey hain jo humaarey vishvasniya hotey hain...humey humaarey priya jan hi apriya ho jaatey hain aur hum unhey apriya ho jaatey hain...tou yahi prem k dharm ka yudhdh hai...isey hi jeetna hai yaani humey apney prem aur nafrat par vijay leni hai....koi vishesh nahi rakhna hai aur sabhi vishesh hain aur isi tarah is prem aur rishti k yudhdh mei sabki haar hi haar hai kyuki sabka apna tou martaa hi hai yaani sabka premijan martaa hi hai....tou yahi simtaav hai...isi simtaav ko swatah apney antar mei kartey jaaeingey tou kasht nahi hoga aur ek aanand yaatraa pooran hogi.......RADHASWAMIJI...JAI SRI KRISHNA JI...Chhavi Mehrotra

HUMARI MAHATVAKANSHAANO K VRIKSH

humey aisa vriksh lagaana hai sanskaaro ka...jeewan moolyo ka ...jiskey neechey hum apni umr ki saanjh mei baith sakein...humaarey yuvaa jiskey fal khaa sakein aur aantarik oorjaa aur shakti praapt kar sakein....par sochney ki baat tou ye hai k kya hum sanskaaro k ...jeewan moolyo k vriksh lagaatey hain kabhi????hum kisi bhi vriksh k neechey kabhi baithtey kahaan hain...hum tou har vriksh ki daali kat kaat kar jalaa rahey hain...khud ko...apney parivesh ko...aaney waali peerhi k sapno ko...neenv ko...hum vriksh lagaatey kahaan hain jiskey neechey baith sakey koi ya koi ussey fal le sakey...hum tou apni mahatwaakaanshaao k vriksh nahi kaantedaar wo jhaadiyaan lagaatey hain jo sab kuchh banjar kar deti hai aur lahuluhaan kar deti hai...hum cactus bhi nahi lagaatey...cactus kam se kam apney kaanto se din bhar ki dhoop ki tapish se bani hui raat ki vaashp tou apney andar leta hai....SAI JI yahi baat spasht kartey hain k is srishti mei sab apni jagah chhorhtey hain par aisa sthan banaa k uthein k us sthan par baithney walaa kuchh sukh paa sakey....yahi humarey jeewan ka maksad hona chaahiye...RADHASWAMIJI...JAI SRI KRISHNA JI...Chhavi Mehrotra

WAKT KA SANGYAN

badi gahiri baat hai ye...pahli baat hai k daurhna bekaar hai aur doosri baat hai k sahi samay par nikalna hai....is sansaar mei hum khoob daurhtey hain...itna daurhtey hain k jaisey sab kuchh abhi pakad lengey aur ye daurh waisi hi hoti hai jaisi registaan mei door chamakti rait ko paani samajhkar hiran daurhtaa jaata hai us chamak ki oar aur pyasa hi mar jata hai bilkul waisey hi hum daurhtey hain ek doosrey se spardhaa kartey huey....ek doosrey ko apni daurh dikhaatey huey aur yu hi mar jaatey hain wahin k wahin usi gherey mei usi pyas se...pyaasey....asli baat hai wakt par nikalna....saanp choohey ko maar kar khaakar usi k bil mei rahta hai aur usey nikaalney k liye us baanbi mei hath nahi dala jata balki paani bharaa jata hai ...jaisey baarish ka paani bhar jaaye tou saanp baahar aa hi jata hai...usi tarah laakh koshish kar lo jab srishti ka tay samay hota hai tabhi srishti hoti hai aur jab sato k prakat honey ka sahi samay unhey dikhta hai wo khud ko prakat kartey hain...waise sant satguru sadaa apney bhakto k ang sang sugandh aur pushp ki tarah rahtey hain par prakat swayam ko shareer se tabhi kartey hain jab sahi wakt hota hai....hazaaro varsho tak sadhu santo ne daityo raakshso ka atyaachaar sahaa auritney sadhu marey k unki asthiyo ka ek parvat hi ban gayaa tha aur jab traita yug mei SRI RSM vanvaas gaye aur sita haran k baad sita ko talaashtey huey us sthan par pahuchey tou vyathit ho gaye aur drirh nishchay kiya k daityo ka sarvnash kar dengey....tou jab RAAVAN un atyaachaaro ka netratva karney k liye khada hua tou sadhu santo ki raksha k liye bhi prabhu netratva karney k liye prakat huey...tou sahi wakt par nikalney se yojnabadhdh tareekey se kaam hota hai...anyatha sara parishram vyarth hota hai...isi tarah varsho tak mahabharat yudhdh ki prishthbhoomo banti rahi par jab sabhi paatro ko ek jagah sankalit kar liya gaya tab SRI KRISHNA prakat huey aur nirnay hua...yahi kaal aur srishti ka niyam hai aur yahi niyam humey paalit karna hai.....RADHASWAMIJI...JAI SRI KRISHNA JI.....Chhavi Mehrotra

KARM AUR BHAAV KI SHUDHDHTA

kisi ka bhi vishvaas aur shradhdhaa nahi todni chaahiye...chaahey wo humaarey liye ho ya kisi aur k liye ...chaahey wo kisi aur tareekey se sambandhit ho jo humaarey vichaaro k anukool na ho...par uskey vishvaas aur shradhdha ko nahi todna chaahiye....koi bhi kaam pahlei man se ...fir vachan se aur fir karm se kiya jata hai...tou ismey vishesh dhyaan ye rakhna hai k man vachan aur karm dwaaraa kiya huaa koi bhi kaam pahley humaarey apney nikatam vyaktiyo ko aur fir sambandhit kisi bhi vyakti ya jeev ko kasht ya dukh deney wala na ho ya kisi ko bhi koi pareshaani na ho...chaahey humaari pooja path ya seva hi kyu na ho...kisi ko bhi kasht dukh ya pareshaani dekar kiya hua koi bhi kaam chaahey wo pooja path praarthna hi kyu na ho nimntam ho jaati hai....man ..vachan aur karm se sab kaam shradhdha se karna hai aur kisi ki shradhdha bhi nahi todni hai tou jab jahan jaisa sulabh ho...sugam ho...saral aur shaanti se aanand deney wala ho wahan waisa hi aur utna hi karm ho jo shreshth bhi ho ....shareer se hath paair se karm na bhi ho sakey tou ghar parivaar bachcho ko ya koi bhi parivaar ki duty chhorhey bina karm ho tou sahi warna mann se aur vachan se niyamit karm ho kyuki shareer se hath paanv se karm kiya lekin fir waah waahi par mann magan hua ...baahar khoob updesh diye aur fir apni uplabdhi maan kar aur prashansaa sunkar jhoom uthey aur ye nahi dekha k kahin kisi ki shradhdha aur vishvaas ko tou thhaiss nahi lagi...koi faayda nahi us karm ka....RADHASWAMIJI...JAI SRI KRISHNA JI....Chhavi Mehrotra

KAMAL AUR SANSAAR

kamal ko chhorh diya keechad k darr se aur kamal se vanchit rah gaye....kamal kamal kartey rahey aur keechad mei ghusey nahi aur kamal ban nahi sakey...aur jo kamal ban gaye keechad mei yaani KAAM,KRODH,MAD,LOBH,MOH,AHANKAAR,IRSHYAA k keechad mei kamal ki tarah khil gaye...tou baat zaroori dekhney ki ye hai k jo ye keechad hai isi mei kamal ki naal yaani root yaani jarh hai aur usi se poori paushtiktaa bhi kamal ko mil rahi hai...varna ye kamal khilta kaisey????pooraa pushp banta kaisey?????ye KAAM,KRODH,LOBH,MOH,AHANKAR,IRSHYA...agar itney burey hotey k jeev ko nasht hi kar detey tou fir unkey bina kamal banta kaisey...ishwar ne jo kuchh bhi diya hai SARVOTTAM DIYA HAI...SARVSHRESHTH DIYA HAI...agar kaam nahi hga tou meera prem deewaani kaisey hogi???krodh nahi hoga tou kaal se naataa tootega kaisey???kaal se krodh kar juda hona hi hoga...kaliyug mei na jaaney kitni uttaraa hain jinkey parikshit garbh mei hi mar rahey hain...KRISHNA ne krodh kar ashvaththaamaa ko uskey brmhaastr se uttraa k garbh ko maarney k liye dandit kiya aur yugo tak apney mastak k ristey zakhm k sath jeevit rahney ka dand diya...tou yahi krodh humey apni dusht vichaardhaara se karna hai...madd nahi hoga tou humaaraa raavan aur kans madaandh ho kar prakat nahi hoga aur usey prakat kiye bina maarnaa asambhav hai...ye wo gupt shatru hain jo madaandh huey bina saamney nahi aatey...lobh nahi hoga tou us parmaatmaa k punah deedaar ka jazbaa nahi uthega aur sachchey premi majnu ki tarah laila ki ek deed k liye bhikhaari ki pankti mei bhi khadaa hona hoga yahi prem hai apney maalik kul daataar se...moh nahi hoga tou us parmaatma se prem kaisey hoga aur meera ki tarah raat din ro ro kar uskey liye jaag jaag kar bhookh pyas tak bhulaa kar prem kaisey hoga....ahankaar aur irshyaa ye sabse badey keechad k wo tatva hain jo agar zraa sa bhi gadbad huey k saari keechad kamal par sab khatam..ye wo seema rekha hai jo parvt aur gahiri khaaii k beech ki rekha hoti hai k zaraa sa bhi chookey aur gaye khaaii mei....ahankaar aur irshya ek sath upajtey hain aur jab bhakti hui ...parvaan charhi aur prakat ho gai sansaar mei yaani kamal khil gaya aur dunia ko dikh gaya aur ab us par bhanvra bhi mandraaney laga..usko leney k liye hathbhi barhney lagey aur dunia adheer hokar usey paaney k liye uske chaaro oar ekatr bhi ho gai...ab kamal ya tou unki pahuch mei aa jaayey aur bikhar jaaye...ya bhanvrey ko apney andar band kar k apney hi ras mei dubo ley...yahi kamal ki sabsey badi mukti ki yaatraa ka padaav aur seema rekha hai....yahin se maya aur brhm alag hotey hain....yahin se kamal ko mukt hona hai.....ye keechad se ghabraana nahi hai balki is keechad mei apni jad jamaa kar fir mukt hona hai...aur fir mukti k baad bhi us jad ko dunia khaa sakegi aur paushtiktaa praapt kar sakegi....tabhi jeewan pooran hai....RADHASWAMIJI...JAI SRI KRISHNA JI..Chhavi Mehrotra

BHAY AUR ISHWAR MEI SHRADHDHA

Aksar jeev ye sochtey hain k param satta humey sajaa degi agar humney koi gunaah kiya tou...par gunaah kya hai????aur param satta kon hai jo sajaa degi??kyu jeev bhaybheet hota hai????kisi ka bhi dil dukhaana sabsey badaa gunaah hai...aur jo dukh kisi ko bhi humaarey kaaran ho tou wahi dukh humey bhi hoga jab waisi hi kriya koi doosra vyakti ya jeev humaarey sath karega ..yahi bhaav prem ka hai...bhaybheet hokar ishwar pooja ya bhakti ya prem nahi kiya ja sakta kyuki bhay tou ashradhdhaa se janam leta hai aur ashradhdha kewal usi jeev mei hogi jo bhaybheet hoga aur uskey prati ashrdhdha hogi jissey dand ya kasht milney ka andesha ho...aur jab ishwar ko bin dekhey samjhey jeev bhaybheet ho tou ye ashradhdha ishwar k prati nahi swayam apney prati hai kyuki kahin peechhey chhupi hui anubhooti hai k koi kaam tou galat kiya hai aur hum gunahgaar hain par sweekaar karney ki aadat nahi hai k hum gunahgaar hain kyuki ahankaar badaa hai humaaraa.....bhay ishwar se nahi...jeev ko bhay apney dukh aur pareshaani k aaney se lagtaa hai aur jab tak bhay k sath ishwar sumiran hota hai wo prem nahi hota kyoki usmey shradhdhaa nahi hoti keval swaarth hota hai aur wo bhakti kbhi bhi samaapt ho sakti hai...parantu prem se uttpann bhakti shradhdha prem aur samarpan se shuru hoti hai aur ye swaarth se heen hoti hai aur yahi atal hoti hai ...meera k prem ki tarah....RADHASWAMIJI..JAI SRI KRISHNA JI...Chhavi Mehrotra

VIDHYA AUR SHABD



YESHAAM NA VIDHYA NA TAPO NA DAANAM NA GYAANAM NA SHEELAM NA GUNO NA DHARMAMAH
TEY MARTYULOKEY BHUVIH BHAARBHOOTAAH,MANUSHYA ROOPEN MRIGAAHSHCHARANTI...
...Ye sanskrit ka ek shlok hai....kahaa hai k jiskey paas na vidhya hai,na tapp hai,na daan karney ki kshamta hai,na gyan hai,na sheel hai,na gun hai ,na dharm hai...yani jisney vidhya praapt nahi ki yaani pahley maa se vidhyaa grahan nahi ki aur fir satguru se vidhya grahan nahi ki tou wo moorkh hi rah jaata hai aur vidhyaa k bina usey kuchh bhi sahi galat ka usey aabhaas hi nahi hoga...tou jisney sabsey pahley satguru nahi kiye aur unse vidhyaa grahan kar sahi disha praapt nahi ki aur fir vidhya k baad apney andar tapp ka bal nahi liya yaani apni granthiyo ko dimaag se khol kar tej dhaaran nahi kiya aur us tej se swayam mei kathor anushaasan se tapp ka bal sangrahit nahi kiya...aur fir us tapp k bal k baad daan karney ki kashmtaa nahi rakhi yaani apney vidhya aur tapp k dwaaraa samaaj mei anushaasan,naitiktaa aur vidhyaa k guno ka failaav bina kisi lobh ya swaarth k nahi kiya...aur fir vidhya,tapp ,daan k baad jisey ye gyan hi nahi hua k wo kis disha mei kaisa sahi galat ...kaisa kaam kar rahaa hai aur is sansaar mei uskey janam leney ka kya maksad hai...ye gyan nahi hua...aur gyan k baad jismey sheelta nahi aaii,yaani shanti,saralta,sachcharitrta,sajjanta aur nirahankaar ka bhaav nahi aayaa,na sadgun aaye aur na apney dharm yaani kya uchit hai aur kya anuchit ,ye samajh nahi aaii...aur adharmi ki tarah atyaachaar ahankaar swaarthi kathor,krodhi,abhimaani,agyaani ki tarah vyavahaar karta raha tou wo manushya k roop mei jaanvaro ki tarah is mrityulok mei yaani prithvi par kewal sangyaa shoonya aur agyaani jaanvro ki tarah vichran karta rahta hai aur is dharti par bhaar swaroop hi hota hai...manushya hona kya hai????aadmi aur insaan mei kuchh mool farak hai...aur kewal ye kah dena k manushya sabhya hai jaanvaro se uchit nahi hai...aadmi aadam se banaa hai jab manushya nahi hota kewal shareer hota hai manushya ka aur vichaar aatmaa hotey hain asabhya...agyaan se bharey huey...ahankaar ..swaarth akshamaa se bharpoor..wo aadmi hi hai aur manushya honey k liye oopar kahey gye vistaar apni shareer k andar sthit budhdhi aur aatma mei karney hotey hain...tabhi jaanvar aur fir aadmi se oopar uthkar manushya hotey hain....
VIDYA….vid+ya…Sanskrit mei ye striling hai yaani stri k liye ietemaal hota hai…jo jaani jaaye wo vidya hai…jo jaanney yogya hai wo vidya…jo sath mei rahey aur sath dey sadaa wo vidya…jo shabd swar k sath vidya se jud kar gyan ko paribhaashit kartey huey jeewan k anushaasan aur jeewan k pashchaat mrityu aur mrityu k pashchaat k jeewan aur fir punarjanam k niyam ko bataaney mei Samarth huey..jo uchchaarit huey ya boley gaye wo ved hain…ye parishkrit gyan ki wo pratham uplabdhi hai jo brhmaa dwara maanas se uttpann hai…SRI VISHNU..iskey bhi karta kahey gaye hain…niranjan roop shiv dwaaraa bhi naad ki utpatti kahi gaii hai…vaani ya shabd jab uttpann huey tou sarvpratham shabd uttpann tha OM…OM wo dhun hai jo sadaiv gunjaaymaan hai…is brahmaand mei…is paar apaar brahmaand ka swar…jo nirantar hai aur sarvpratham gyaat shabd hai…is OMKAAR se uttpann gyaan aur gyaan se srajit shabd aur shabd se srajit vidya jo aadhyaa yaani aadi shakti swaroop hai..AADHYAA..AADI+YA…NIRANJAN ..yaani jo akhand aanand roop hai…uskey dwaaraa pradatt aanand …us swar ko aur shabd ko jisney srajit kiya ,maanas ekaagrtaa ko aur us swar aur shabd k sath maanas ekaagrataa k sath ye judey aadyaa se...aadyaa se hua srijan brahmaa k maanas ka aur usmei se utpann hua ved…aadyaa ka beej mantr..ain hrim klim…vidya gyaan ka parichaayak ye mantr..gyaan ki utpatti hui jab maanv ko aabhaas hi nahi tha k jeewan kya hai????ye srishti kya hai???vidhya se poorv gyan ka uday huaa…gyan aur vidhya mei fark hai….gyan ye aabhaas karata hai k aanand kya hai??gyan k abhaav mei kuchh bhi aabhaas aur usko prakat kar paanaa mushkil hai…gyan k baad vidhya ka uday hua…gyan se hi vidhya prakat huii…vidhya hare k jev ko sulabhta se praapt ho jaaye ye ye zaroori nahi hai…iskey kaii udaaahrn humaarey puraano aur aneko grantho mei miltey hain…DURGA SAPTSHATI mei bhi DEVI k shat naam mei VIDHYA aur AVIDHYA dono hi naam se devi vibhushit hain jaise LAXMI aur ALAXMI…DARIDRTA…in roop mei bhi DEVI VIBHUSHIT HAIN…vidhya anant hain…har kshetr ki apni vidhya hai..ya sarlta se kahein tou 3 guno ki apni alag vidhyaaein hain…SATO GUN,RAJO GUN AUR TAMO GUN….jo vidhya kewal saatvik tatva ki praapti k liye praapt ki jaaye ya jo vidhya satvik tatva ki adhushthaatri hai vo kewal bhajan,poojan ya kisi bhi tarah ki lipsa,swaarth aur saansaarikta se alag hai…RAJO GUN se sambandhit vidhya saasaarikta se poorn aur bharan poshan se sambandhit hogi…aur TAMO GUN se shobhit vidhya sidhdhiyaan,aur nimn sidhdhiyaan aur nimn koti ki daitya aur raakshsi vidhya se prerit bhi ho sakti hai….sab vidhyaa sammaanniya hain kyuki jab tak koi bhi vidhya kisi bhi jeev k ahit k liye prayukt nahi hoti wo vidhyaa kalyaankaari hai…gyaan ka uday honey k baad vidhyaa ka sammaan aur arjan aur poshan aur fir daan aur fir punah srijan santulit roop se hota hai…parantu jab tak gyan k oopar ahankaar lobh aur matsarya ka aavran nahi charhta tabhi tak ye aanand swaroopa hai anyatha ye gyan aur vidhya taamsikta se bhi neechey gira di ja sakti hai…swayam ka gyan hona isiliye sabsey pahla kadam hona chaahiye tabhi is gyan aur vidhya k maarg par suchaaru roop se chal saktey hain aur jab tak hriday prem se poorn aur shant chitt nahi hoga ye gyan aur vidhya kewal ek sammaan aur pratishtha ka sambal rah kar wahin ahankaar ki aahuti ho jaayega…isiliye BUDHDH HONEY K LIYE EKAAGRCHITT SE SARVPRATHAM YE CHINTAN AUR MANAN KARNA HAI K HUM KYA HAIN AUR HUMARA GYAN AUR VIDHYA K AATMSAAT KARNEY KA UDDESHYA KYA HAI…MAANSIKTA AUR VICHAARO MEI PAUSHTIKTA AUR SANTULAN SHAANTI PARAM AAVASHYAK HAI….BUDHDH WAHI HAI JO NIRARTHAK SWAARTH AUR LIPSA SE UPDESH KARNE MEI SAMAY AUR OORJA VYARTH NA KAREY…ANTAR KA AANAND JO JAAN KAR PRAAPT KAR VIDHYA AUR GYAN KO PRM K SATH VILAY KAR JO PI JAAYE WO BUDHDH HAI…ANANT SE AAII VIDHYA AUR GYAN KO ANANT SE HI JOD KAR RAKHNA HAI KYUKI ANANT MEI HI HUMEY MILNA HAI….RADHASWAMIJI…JAI SRI KRISHNA JI…Chhavi Mehrotra

Wednesday 15 August 2012

MAI AUR DOSTI


v hum dost nahi banaatey chhorh dene k liye
dil mei basaa letey hain humesha k liye...
yu tou mil kar bichhadnaa hai reet yahaan...
hum bass jaatey hain yaado mei humesha k liye....
...RADHASWAMIJI....JAI SRI KRISHNAJI....
---
Chhavi Mehrotra

KURUSHETRA AUR HUM


v ye shareer aur mann sabsey badaa kurushetr hai aur yahaan har pal hum khud se aur apney rishtey naato se lad rahey hain...aaj jissey prem hai kal ladaaii hono hoti hai aur jahaan bhi juaa,sharaab,maans,vyabhichaar aur swarn hoga wahaan kurushetra jamega...aur ye kaliyug hai yahaan har mann ranshetr hai...kahin aur kisi mei nahi apney andar hi poori imaandaari se apney ko hi arjun duryodhan duhshaa
san karn draupdi roop mei dekhna hai....na jaaney kitni baar hum apni aatmaa ka cheer haran kar letey hain...ye bahot sochney ki baat hai...na jaaney kitni baar hum kitney hi premi jano k prem ka khoon kar detey hain sirf apney aaraam aur suvidhaa k liye...na jaaney kitni baar karn ki tarah vaasudev krishna ki pukaar ko nazarandaaz kar detey hain apney priya mitro k rin ko utaarney ka vaastaa dekar.....SATGURU APNI SHARAN MEI RAKHEIN...AUR YAHI PRAARTHNA HAI K...
Merey pyaarey guru daataar mangtaa dwaarey khadaa
mai rahaa pukaar pukaar mehar kar dekho zaraa...
mohey deejey bhakti daan
kaal dukh bahot diya...
merey tadap uthi hiye maahi,daras ko taras rahaa...
barsaao ghataa apaar,prem rang deejey bahaa....
surat bheenjey ami ras dhaar,tan man hovey haraa...
mera janam sufal ho jaaye,tum gun gaau sadaa....
mai neech adham naakaar,tumhrey dwaarey parhaa...
meri binti suno dhar pyaar,ghat umgaao dayaa...
radhaswami pita humaar...jaldi paar kiya...RADHASWAMI DAYAL KI DAYA....
...RADHASWAMIJI...JAI SRI KRISHNA JI...
 BY---Chhavi Mehrotra

NEEV KI IINT AUR KANGOORAA


v  neenv ki iint kitni sahi...majboot aur jamaakar rakhi gaii hai ye us par sajney waaley kangoorey aur burj ki lambi umr bataati hai ji....aksar hum mahalo ki oonchaaii aur umr aur khoobsoorti dekh kar waah waah kar uthtey hai jabki asliyat mei uskey kaiii ft neechey andherey mei ...ateet mei...gahraaii mei dabi dhaki padi wo neenv ki iint jo usko samhaaley khadi hai....uski oar humaari nazar jaati 
hi nahi...merey apney pichhley janmo k karam sanchit karam kriyaanvit karam ek saaraansh bankar mera praarabdh bankar janam k sath is janam mei aaye aur ab is janam k sanchit karam...kriyaanvit karam...saaraansh bankar merey sath agley janam mei merey sath janmeingey...jab jahaan jiskey sath jo karam bandh rahey hain wo sab sath chaltey hain aur wahi sab rin chukta jata hai...SRIMAD BHAAGVAT KI JAD BHARAT KI KATHAA ISKA SARVOTTAM UDAAHRAN HAI JI...jad bharat ji ek bahot badey rishi huey aur poorey janam behad hari bhajan kartey huey janam bitaatey rahey...par ek baar shaer k darr se nadi ko chhalaangtey huey ek hirni ne nadi par hi ek shishu ko janam diya aur khud mar gaii...jad bharat ji dayaavash us hiran shishu ko apney sath le aaye aur uskey moh mei itney fanstey chaley gaye k kuchh yaad na rahtaa....ek baar mrityu samay huaa aur wo hiran shishu na lauta aur jad bharat k praan nikal gaye aur jad bharat hiran moh k kaaran hiran joon mei janam ley baithey...par hari bhajan chintan k kaaran sab yaad rahaa aur fir ishwar se praayshchit kartey huey har wakt hari naam mei jeewan guzaarney lagey aur kshmaa maangney lagey aur fir hiran choley se mukt huey...isi prakaar sadnaa kasaaii bhi pichhley janam mei gaay ko baheliye se bachaaney k prayaas mei gaay ko rok baithey aur baheliye k gaay ki gardan kaat deney k kaaran gaay k shraap ka bhaagidaar baney aur sadnaa kasaai baney aur saaligraam se maans taultey rahey par hari kripa se khud ko pahchana aur jagannath yaatraa ki par karam tou katney thhey isliye wah gaay stri roop mei unko laanchhit kar gaii aur wahi baheliya rajaa ban samaksh aayaa aur inkey hath katwaaye kyuki in par stri ko abhadrtaa se chhoney ka aarop us stri ne lagaayaa tha kyuki wo stri vyabhichaarini thi aur inhoney uska prastaav asweekaar kar diya tha...prabhu SRI JAGANNATH KI KRIPA SE INKEY HATH BHI THEEK HUEY AUR INHONEY KHOOB HARI BHAJAN CHINTAN KIYA POOREY JANAM...YAHI HAIN HUMAAREY KARAM DAND JI....KARAM KAHO KISMAT KAHO...CHAAHEY KAHO TAKDEER,...PAHLEY BANAA PRAABADH AUR PAAACHHEY BANAA SHAREER.
...RADHASWAMIJI...JAI SRI KRISHNA JI...
 BY----Chhavi Mehrotra

AVASHYAKTA AUR VILAAS


v  Shishu jab janam leta hai sirf shwaas nihshwaas aur sirf utni udarpoorti karta hai jitni zaroorat ho...baaki bina kisi swaarth...aashaa...nirasha..ya kisi bhi vichar k bina aaraam se sota hai aur fir dheerey dheerey apney aas paas k parivesh mei unko pahichaantaa hai jinse har wakt ka vinimay hai ...par jab tak ahankaar aur swaarth ka bhaav nahi aataa ya apney swakendriyakaran ka gyan nahi upajta 
wo nirmal rahta hai ....humey bhi usi nirmal baalak k samaan pahley saral shwaas fir shwaas k sath hari naam ki zaroorat rakhni hai...pahley sirf utnaa kamaao imaandaari se jitney ki zaroorat hai...aur baaki jo bachey ussey nihswaarth sewa karo aur jahaan maan sammaan turant milta ho wahaan aisey baitho jaisey keechad mei kamal...jo sewa mei diya wo bonus ishwar ka diya huaa jaano aur satguru k naam samarpit karo...jaise prem kiya khusro saahab ne hazrat nizaamuddin auliya sahab ji se...
....RADHASWAMIJI...JAI SRI KRISHNA JI....
BY---Chhavi Mehrotra

SRISHTI AUR PREM

v  srishti ka niyam hai k kuchh gupt nahi...khushbu chahu oar swatah faail jaati hai har pushp ki har khushi ki har aabhaa ki...kirney swatah bikhar jaati hain soorya ki...chand ki...hari naam ki...hari bol ki...aabhaa ki...prakaash ki..oaj ki...jo humaarey andar nihit hoga aur jiska bhi storage humaarey andar hoga wahi baahar faailega,,,prakaash,,,khushbu...khushi...aahlaad..sahyog...saralta...bahaav...aanand...inka jitna bhandaaran apney andar satguru k sang aur hari naam sumiran k zariye kar saktey hain hum karein kyuki fir yahi prem roop mei baahar vyaapt hoga....
...RADHASWAMIJI...JAI SRI KRISHNA JI...
Chhavi Mehrotra

YUG KA BAHAAV


v  nadi ki dhar k sath bahnaa saral hai aur vipreet dishaa mei tairna...naav chalaana behad sakht mehnat aur lagan ka kaam hai aur beech bhanvar mei hokar fir nikal jaanaa satguru ki kripa hi hai ji....SRI KRISHNA hum sabke andar hain ...SRI RADHA humaari aatmaa hi hai...SRI KRISHNA JAB PRAKAT HUEY TAB KALIYUG KA PRAARAMBH HONEY WALAA THA...AUR SRI KRISHNA K SAAREY CHARIT SIRF HUMAAREY LIYE SANDESH H
AIN JI...maakhan churaanaa swayam parmaaatmaa ne sikhayaa...kyuki kaliyug mei jeev itnaa shushk ho jaaney wala tha k us par har kali mali aasaani se jam saktaa tha aur makhkhan ki tarah swachch nirmal shwet aur chikni pravritti nahi rahni thi...jis prakaar makhkhan chikna hota hai aur balishthta deta hai oorjaa detaa hai aur apney oopar se gandey paani ko bhi fisal jaaney deta hai aur keetaanu jamney nahi deta usi prakaar jeev tou kaliyug mei rah nahi jaayega tou jeev ko srishti se aur aas paas k jeewan mei jahaan bhi ye gun dharm deekhey churaanaa hoga...striyo ki laaj usi k gaaon waaley bechengey ye dikhaya SRI KRISHNA ne...tou striyo ko kisi k bhi samaksh ughad kar nahi aanaa chaahiye kaliyug mei kyuki us kaal mei tou stri ki laaj fir bhi rah jaati thi par kaliyug mei stri ko openly snaan ya khulepan se yaani vastrheentaa se parhez karna hoga.....draupdai ki laaj lutney waali thi ye bhi SRI KRISHNA pahley se jaantey they kyuki unhoney jab shishupal ki gardan chakra se kaati tou ungli se rakt baha aur draupdi ne apney aanchal ka vastr faad kar SRI KRISHNA k patti baandhi aur param priya mitr honey k naatey hi SRI KRISHNA NE YE LEELA RACHI AUR DRAUPDI SE VADA KIYA K WAKT AANEY PAR IS PATTI K EK EK RESHAM KA HISAAB CHUKAA DENGEY AUR VASTR HARAN K SAMY US EK EK RESHAM K TAAR KA EK EK THAAN BANAA DIYA AUR LAAJ BACHAA LI EK STRI KI...PARAM MITR KI....WAHIN DOOSRI OAR GAANDHAARI NE APNEY VYABHICHAARI KAURAV PUTRO KI GALTIYO KO JAANTEY HUEY BHI SRI KRISHNA KO SHRAAP DIYA K HEY KRISHNA TUM CHAAHTEY TOU YDHDH NA HOTA AUR MEI PUTR VINEEN NA HOTI AUR MERE KUL KA NAASH NA HOTA par SRI KRISHNA ye jaantey thhey k unhoney kitni mehnat ki thi karn aur duryodhan ko samjhaaney k liye k yudhdh na ho par unka vinaash unhey swayam bulaa rahaa tha aur SRI KRISHNA ne ek behad dukhi niraash mataa gaandhaari ka diya huaa kul vinaash ka shraap chupchaap grahan kar liya aur apney antardhyaan honey se poorv apni leelaa samet gaye...pooraa kul samet diya...yadu vansh k yuva behad vyabhichaari ho chukey thhey aur kaliyug ka prabhaav ho chukaa tha....
...RADHASWAMIJI...JAI SRI KRISHNA JI...
 BY---Chhavi Mehrotra

PRAARABDH AUR KRIPA


v  har paththar taraashaa huaa bhavan nahi hota...
har ahilyaa ka ram nahi hota...
ladaaii ho mukaddar se bharpoor magar...
satguru k bina tou nar se narayan nahi hota...
RADHASWAMIJI...JAI SRI KRISHNA JI...
BY---Chhavi Mehrotra