ARJUN AUR DHARMYUDHDH---[CONT]---26

ARJUN AUR DHARMYUDHDH...[CONT]...[26]
[26]... AB SRI BHAGVAAN ARJUN KO KARM SE JUDNEY KI SACHCHAAI BATAA RAHEY HAIN K HAR YUG MEI AUR HAR LOK MEI AUR HAR KAALANTAR MEI. SRI BHAGVAAN NEY KARM JEEV K SHAREER K JUDAAV KI BAAT KAHI HAI....AUR AB ARJUN KO BHI IS JUDAAV KO SAMAJH LENA HAI...SRI BHAGVAAN kahtey hain k jaisey hi jeev shareer se judta hai aur mata k garbh mei mata se judta hai uska karm ussey jud jata hai aur pichhley janam k sanchit karm is janm k praarabdh kar bankar uskey shareer k sath janam letey hain...shareer paanch tatvo se isi srishti k paanch tatvo se nirmit hai aur isi srishti mei hi rah jata hai aur maya dwara mohaandh jeev shareer ko hi param satya aur tatva jaankar shareer k karmo se gahraa jud jata hai aur dheerey dheerey apney parivesh paristhiti se itna prabhaavit hota jata hai k mool tatva aatmaa ko vismrit kar k shareer se mann chetan praan ko jod leta hai aur isi prakaar maanas se karm karta rahta hai aur fir prerit hokar vachan bhi bolta hai aur vachan se bhi karm karta hai aur fir shareer se chalaaymaan hota huaa karm karta chalta hai aur ye sab kartey huey yadi koi bhi sanyaasi..bhagat ya koi bhi kaisa bhi jeev kahey k wo sansaar se mukt hai aur karm bandh se mukt hai tou ye galat hai kyoki is sansaar mei mansa , vaachaa , karmnaa ,...sabhi prakaar se nirantar karm ho raha hai ...ek doosrey k prati kaisa bhi bhaav karm pradhaan ho jata hai aur jeev nirantartaa mei karm karta rahtaa hai...yahan koi bhi karm se mukt nahi hai...maya netro ka aur maanas ka wo parda hai jo brahm aur jeev k beech hai...keval bhaav ka parda hai ye aur jaisey hi gyan ka uday hota hai ye parda waisey hi hat jata hai jaisey dwaar par laga makdi ka jala saaf kartey hi avrudhdh maarg khul jata hai...
...RADHASWAMIJI...JAI SRI KRISHNA JI...
--- Chhavi Mehrotra

ARJUN AUR DHARMYUDHDH---[CONT]...25

ARJUN KA DHARMYUDHDH....[CONT]...25
[25]--SRI BHAGVAAN kahtey hain k jab sansaar ki har trishna se mukt jeev mujhmein aasakt ho keval meri trishna mei bandh jaaye aur poori tarah samarpit ho jaaye mujhmein tou wo har gun se parey hokar swayam brahm roop ho jata hai par jaisey hi wo mujhey praapt hokar brahm swaroop hota hai tou mujhey paaney ki trishna se bhi mukt ho jaata hai aur us trishna se mukt hua pooran brahm swaroop o jata hai aur mukt ho jata hai...is sthiti ko sant kabir das ji ney aisey kaha hai...
UTHA BABOOLA PREM KA , TINKA UDA AAKAAS|
TINKA TINKEY SE MILA , TINKA TINKEY PAAS||
SRI BHAGVAAN ki baatein sunkar arjun ulajh gaya hai k yadi gyan karm se oopar hai aur gyan honey par karm se mukt ho jatey hain tou fir ye kurukshetr ka yudhdh kyu karna hai???jab arjun ko daya karuna prem ka bhaav ho raha hai tou fir yudhdh kyu karna hai???asal baat ye hai k arjun abhi bhi sri bhagvaan ki baat nahi samjha hai...kyuki gyan aur karm ko wo ek sath jod hi nahi pa raha hai...karm se mukt nahi ho pa raha hai ...wo wahi jeevaatma hai jo triloki ki dahleez par khadi hai k gyan ho gaya par moh nahi khatam hua sansaar ka tou fir apney hi priyajano ko hriday se nikaal kar aur virakt hokar aur unsey mukh mod kar unhey hi kasht dekar kaisey mukt hua ja sakta hai???gyan honey k baad karm kaisey nirvikaar hoga???aham bhaav kaisey khatam hoga????swaarth kaisey khatam hoga?????ASAL BAAT SRI BHAGVAAN BATANA CHAAHTEY HAIN K KARM SE BHI MUKT HONA HAI AUR USI MUKT HONEY KA GYAN HONA HAI..KARM SE BHI MUKT HONA HAI...JAISEY GURU NANAK JI NEY KAHA K ARREY KASAAII YE BAKRA MAI MAI KAR K YE KAH RRAHA HAI K AAJ MUJHEY TU KAAT RAHA HAI AUR PICHHLEY JANAM MEI IS BAKREY NEY TUJHEY KAATA THA AUR ISKEY AGLEY JANAM MEI YE FIR TUJHEY KAAT KAR IS JANAM K KARM KO ZAARI RAKHEGA KYOKI TUM DONO HI APNEY APNEY KARM BANDH SE MUKT NAHI HO RAHEY HO...
kisi ko tou pahal karni hogi is karm bandh ko kaatney ki...tou karm poorantayaa samarpit karna hai sri bhagvaan ko aur mukt hona hai har ichchhaa se,..badley k bhaav se...trishna se...fal se aur isiliye jab ye gyan ho jaaye tou gyan karm se shreshth ho jata hai...
......RADHASWAMIJI...JAI SRI KRISHNA JI....
--- Chhavi Mehrotra

ARJUN AUR DHARMYUDHDH---[CONT]---24

ARJUN KA DHARMYUDHDH---[CONT]---24

...SRI BHAGVAAN kahtey hain k sansaari jeev raatri ko andhkaar jaan kar so jaatey hain aur bhagat...yogi gyaani is raatri mei jag kar chetan ko sthir kartey hain aur agyan k andhkar mei so rahey jeevo k bilkul vipreet gyan ko jaagrit kartey hain aur is tam yaani taamsikta mei bhi apni chetan ko jaagrit avastha mei hi rakhtey hain...hum is baat ko santo k udaahran se samajh saktey hain jo raatri mei aur taamsikta k chaaro oar hotey huey bhi apney Kendra mei sthit rahtey hain...wo samaan roop se jaagrit rahtey hain aur vivek ka sath nahi tyaagtey..jaisey saagar aneko nadiyo k jal se bharpoor hota rahta hai aur nadiyo ka pravaah saagar mei anvarat hota rahta hai par tab bhi saagar anvarat nirantar aatey huey jal ko apney bheetar samet ta rahta hai aur fir bhi apney kinaaro mei rahta hai aur apaar jalraashi aur jeevo k hotey huey bhi apney gaambheerya ko nahi tyaagta usi prakaar aneko satva...rajva...tamas k miltey huey bhi viveki santjan apney gaambheerya ko nahi tyaagtey aur har pravaah mei bhi samaan saral gyaani chetan ka bhaav rakhtey huey gahir gambheer rahtey hain...usi prakaar sansaar mei rahtey huey bhi jeev ko unsey aisey hi mukt rahna chaahiye aur apni maryada aur gaambheerya nahi chhorhna hota hai...jaisey kamal keechad mei hi khilta hai aur pusht hota hai par apney oopar keechad ya paani ko tikney hi nahi deta aur wo apna saudarya saatvikta aalokikta banaaye rakhta hai...aisey hi jeev ko shaanti aur aantarik aanand milta hai aur wo bhatkaav se mukt rahta hai...aisa jeev khilta hai sansaar k liye aur swaarth se door rahtey huey ahankaar lobh kaamnaao se mukt rahta hai...wo sabhi trishnaao se mukt hota hai aur apni antar ki samaadhi mei leen aanadit rahta hai aur vrakt hokar sabhi sansaari karm kartey huey bhi sansaar k karmo k fal ki trishna se mukt rahta hai aur isiliye vilaas aur abhilasha mahatvaakaansha k dukho se parey shaanti mei rahta hai....
...RADHASWAMIJI...JAI SRI KRISHNA JI...

---Chhavi mehrotra

ARJUN AUR DHARMYUDHDH---[CONT]---23

ARJUN AUR DHARMYUDHDH---[CONT]---23
.. ..SRI BHAGVAAN kahtey hain k jis prakaar wo jeev jo janam lekar kewal saagar k madhyamei rahtey hain aur unhey ye aabhaas hi nahi hota hai k kinara bhi kahin hai tou wo wahin saagar mei dishaheen se bhatak jaatey hain aur bikhar bikhar kar wahi khatam ho jaatey hain usi prakaar jo jeev jaante aur maanntey hi nahi k ishwar ka astitva bhi hai aur wi ishwar jeev ko apney bhakto ko sadaiv dekhta prem karta hai aur samhaalta hai un jeev ko naastik kahtey hain ...unki shradhdha sri bhagwan mei nahi hoti aur wo indriyo ko mann k vashibhoot kar k sansaar k bhog rog mei lipt rahtey hain kewal isey hi satya jaankar aur wo yahin samaapt ho jaatey hain aur baar baar inhi dukho bhay aur trishnaa k saagar mei janamtey martey rahtey hain aur unmey aur pashuo mei koi antar nahi rahta kyoki pashu bhi budhdhi gyaan heen hokar yu hi uddeshyaheen sansaar mei vichartey rahtey hain aur ishwar mei bhakti chetna ko nahi lagaatey...isliye pahley apni soch aur indriyo ko apney drirh anushaasan mei kar k niyantrit karna hai aur wahi jeev nishchit sthir budhdhi wala hai....
....RADHASWAMIJI...JAI SRI KRISHNA JI...
--- Chhavi Mehrotra

ARJUN AUR DHARMYUDHDH---[CONT]---21 TO 22

ARJUN AUR DHARMYUDHDH---[CONT]---21
.. SRI BHAGVAN kahtey hain k jo sansaar k bhogo se vimukh ho jata hai aur kewal pooran brahm ki trishna mei sthir rahta hai wo sthir budhdhi hai kyoki sharer ko vaasna ki poorti ka such deney waali indriyaan hi maadhyam hain aur wo indriyaan mann k vash se nikal kar jeev ki budhdhi aur aatma k vash mei ho jaati hain tou wo jeev sansaar k bhogo se vimukh ho jata hai...jaisey humey koi bhi vastu itni bahutaayat mei rojana bhog mei miley k us vastu se mann bhar jaaye aur humey fir us vastu ki chaah hi na uthey usi prakaar jab jeev ki aatma is sharer k bhogo ki chaah se vimukh ho jaaye aur mann ko bhog vaasna ki chaah hi na rahey aur indriyo ko sharer k bhog ki bhookh hi na rahey aisey is mann aur indriyo ko vash mei karna hai apni budhdhi aur aatmaa k...ye mann hi bahot chanchal hai jo bhaanti bhaanti k raav rang aanand bhog rog mei baar baar bhatakta hai aur is sharer ko chalaaney waali indriyo ko apni trishna ki poorti mei sahaayak banata hai aur fir pooran brahm se door hokar ye indriyan yahin rog bhog dukh mei mann k sath bhatakti rah jaati hain isliye is mann ko niyam anushaasan aur sthirta ki aadat daalni hai aur pooran brahm mei is mann ko ekaagra karna hai fir dheerey dheerey ye mann ishwar mei bandhney lagega aur Vishay bhog vaasna se vimukhta hoti jaayegi...jab mann niyantrit ho jaayega tou mann se srajit honey waali indriyaan bhi niyantrit ho jaayengi aur jinka mann indriyaan vash mei hokar sthir nishchit hotey hain wo jeev sthir nishchit pragya waaleyy hotey hain...jaisey gopi yaani go ka matlab indriyan aur pi ka matlab peena...yaani jihoney apni indriyo ki pi kar aatmsaat kar liya hai un gopiyo ka chitt kewal sri bhagvaan mei leen rahta hai aur sthir pragya waali gopiyan sri Krishna k adheen ho jaati hain.... is sansaar k Vishay vaasna se vimukh hokar sri Krishna ki hi ichchha karti hain aur unhi k prem k aanand ka raas unki aatmaa karti hai....
...ARJUN AUR DHARMYUDHDH---[CONT]...[22]
.. ..SRI BHAGVAAN sansaar se judey jeev ko badi tathya ki baat bataatey hain k jeev sansaar mei jo dekhta suntan hai usi k sambandh mei sochta bhi hai aur fir sansaar mei uska mann lipt hota jata hai...jab jeev janamta hai usey kewal apney pait ko bharney ki bhookh rahti hai usey kisi aur vastu se koi lena dena nahi rahta aur wo kisi bhi such dukh se parey rahkar aaraam se sota rahta hai aur hum sab kahtey rahtey hain k ye sabsey zyada sukhi hai jab ki humey bhi such apney hi bheetar se lena hai....jab hum sansaar mei apney sagey sambandhi dost aur un jeevo se judtey jaatey hain jinsey hum prem kartey hain tou sath mei kaamnaaein utpann honey lagti hain k unsey bhi humey prem sang sath aanand miley aur jab kahin koi kaamna pooran nahi hoti tou krodh utpann ho jata hai aur jab krodh k sath bhi lipsa shant nahi hoti aur kaamnaa k sath lobh bhi utpann hota jata hai tou fir dwaish aur irshya ka bhaav utpann hota jata hai aur kab isi tarah chetan malinta ko praapt hota jata hai jeev ko maalum hi nahi hota aur aatmik patan ho jata hai ...budhdhi heen ho jaati hai aur mann Vishay bhog rog vaasna mei lipt rahta huaa indriyo ko bhi apney adheen kar leta hai aur jeev sansaari hokar apna naash kar leta hai..isiliye ye zaroori hai k jeev sri bhagvaan mei drirhtaa se chitt lagaaye aur bhajan sumiran mei anushaasan aur niyam se rahey aur mann ko niyantrit karey ...jeev jab drirhta se sri bhagvaan mei chitt lagata hai tou sri bhagvaan bhi us bhakt jeev ko bhatakney nahi detey...ye baat is tarah samjhi ja sakti hai k jaise kumbh k meley mei mata pita apney bachchey ka hath kass k pakdey rahtey hain k bachchaa kahin is dunia ki bheerh mei kho na jaaye kyoki bachchey ki bhi utni hi bhakti prem mata pita mei hai aur wo bachchaa zara sa hath chhootney par behad rota hai aur bilakhta hai par jo bachchaa galat soch aur budhdhi k kaaran swayam ghar se mata pita k prem ko na samajh kar bhaag jata hai dunia ki bheed mei galat sang sath mei uska kalyaan mata pita chaah kar bhi nahi kar paatey usi prakaar jab jeev ishwar se vimukh hokar swayam rog bhog dukh sansaar mei lipt ho jata hai ishwar uska chaah kar bhi bhala nahi kar saktey parantu jo jeev sansaar ko bhi dekhta jata hai aur uska aanand letey huey ishwar ka hath kass k pakad k rakhta hai aur apni ishwar bhakti prem mei koi kami nahi aaney deta uska hath ishwar se kabhi nahi chhot pata aur yadi chhootney bhi lagey tou ishwar swayam usko pakad letey hain aur samhaal letey hain...
....RADHASWAMIJI...JAI SRI KRISHNA JI...
--- Chhavi Mehrotra

ARJUN AUR DHARMYUDHDH---[CONT]---20

ARJUN AUR DHARMYUDHDH---[CONT]---20
[20]----- SRI BHAGVAAN kahtey hain k sthirta usi jeev mei hoti hai jisko kahin bhi kaisa bhi vyaktigat lagaav na ho aur kewal sri bhagvaan mei jiski budhdhi sthir ho...jiski soch sthir ho...aisey jeev shareer ko kasht ...dukh...sukh honey se vyathit nahi hotey hain aur na hi kisi doosrey k prati dwaish rakhtey hain apney kasht k liye jaisey sant hotey hain jo apney sath mukti aur mukt bhaav kashma k bhaav k sath rakh k chaltey hain...unhey kisi se bhi vishesh prem ...lagaaav ya dwaish nahi hota aur nirvikaar bhaav se saans k sath bhajan mei rahtey hain...unhey kisi k paaney ya kho deney ka koi harsh..dukh..khaid...shok nahi hota...machhli aur saagar mei rahney waaley kachchap apni budhdhi mei sthir rahkar dheerey dheerey apney ek samay mei ek karm mei sthir rahtey hain bass usi prakaar jab jeev sansaar k bhog rog se mukt ho jata hai usko sansaar k bhog ki tou trishna nahi rahti par wo ek sri bhagvaan k prem aur darshan aur unsey milney ki trishna se mukt nahi ho pata ...par dono mei bahot fark hai sansaari jeev bhog ki trishna mei bhookha rahta hai aur raag dwaish k kaaran sthir nahi rahta par doosri oar sansaar se mukt jeev sthir aur nishchit budhdhi k sath sab raag dwaish se mukt hokar hari milan ki nishchit budhdhi aur sthir pragya se trashit rahta hai...
...RADHASWAMIJI...JAI SRI KRISHNA JI...
--- Chhavi Mehrotra

ARJUN AUR DHARMYUDHDH---[CONT]---19

ARJUN AUR DHARMYUDHDH---[CONT]---19
...19…GYAN kathor hai aur bhakti saral...gyan kuchh praapt honey ka ahankaar barhaata hai aur bhakti sab kuchh luta deney waaley prem se bhari hoti hai...isi gyan ki baat sri bhagvaan arjun ko bataa rahey hain k jab jeev kisi bhi ichchha ya trishna k chaltey koi bhi karm karta hai tou wo gyan tou rakhta hai par moh bhi rakhta hai us ichchhaa k liye aur fir isi k kaaran usey mera dhyaan nahi aataa us wakt kewal wo ichchhaa ki kshudha rahti hai...aur jeev mujhse door ho jata hai aur jab atmaa k swaroop mei jaagrit hota hai tou ichchha ka tyaag ho jata hai aur fir jaisey hi gyan se upja tark vitark aur kutark chhotengey moh se upja swaarth bhi chhotega...gyaan har achchey burey ko tark mei chalata rahta hai aur moh us tark mei swaarth ki misri gholti chalti hai aur moh k swaarth k kaaran gyaan kab tark se kutark par aa jaataa hai jeev ko maalum hi nahi hota aur jab in moh aur gyan se budhdhi hat jaati hai tou sabhi swaarth k bandhan khul jaatey hain aur aatmaa mei sthit jeev pooran brahm k kareeb ho jata hai aur avinaashi ho jjata hai kyuki wo vinaashi shareer se alag hokar avinaashi tatva se jud kar chalta hai,..wo mukt ho jata hai trishnaao se aur swarg se oopar uth jata hai...itna suuney k baad bhi arjun abhi bhi chinta mei hai k aisi smaadhi mei kon se jeev sthit hotey hain???kon se jeev sthir budhdhi waaley hotey hain???apni budhdhi mei gyan rakhkar us gyan k sath hokar bhi kon sthir rah sakta hai????aisey vyakti ya jeev k lakshan kya hain???kyuki arjun tou aisey jeev ki kalpana hi nahi kar pa raha hai jo sab kuchh praapt kar k bhi mukt ho....vaido ka gyan ho...samast guno mei rahtey huey bhi guno se mukt ho....gyan ho par gyan mei sthirta ho aur moh se mukt ho....aisa kon jeev hoga???sri bhagvaan kahtey hain k wo jeev aatmaa mei sthit rahta hai...sab kuchh karm karta hua bhi samarpit karta chalta hai pooran brahm ko...apney karm k pashchaat parinaam k liye dukhi ya sukhi nahi hota apitu mukt hota jata hai...
...RADHASWAMIJI...JAI SRI KRISHNA JI...
--- Chhavi Mehrotra