KARM AUR KARM GATI

jo bhi soch, vichar ,karm,kriya bheetar kendr mei bass jaati hai...apna sthaan banaa kar kundli maar kar jam jaati hai wo shareer k sath nahi jalti ya samaapt nahi hoti...kyoki jab surat khichti hai aur is shareer ko tyaagti hai wo apney sath yahi jamaav bhi kheech le jaati hai...jaise kisi bhi patley tube mei kaahi jam jaati hai samay ki gati mei aur jab usey kisi brush se ragad kar saaf nahi kiyaa jaaye tou ussey hokar jo paani baahar aataa hai wo kaahi ki badboo liye hota hai usi tarah se kendr tak asar rakhney waali kriyaaein yadi wahin jamti jaati hain tou yahin is srishti tak hi nahi rahti wo kundlini k khichaav k sath khichti hain...chaahey wo shareer ki koi peedaa ho ya mann ki koi peedaa ho....jo bhi kendr mei jam jaayega wo surat k sath khich jaayega aur nateeja ye hoga k wo sab sanchit hai aur fir us surat k sath praarabdh ban kar doosrey janam mei drishtigat hota hai...chaahey kisi ka moh ho.....koi gyaan ho...ya koi bhi vichaar kriya karm kuchh bhi ho....isliye jo bhi anuchit vichar karm kriya moh vaasna soch gyaan kuchh bhi jo anuchit ho humey oopri satah se hi nikaal dena chaahiye...isiliye prem dayaa karuna nirvikaar saralta sahajtaa ka makhkhan apni rooh par charhaa k rakhnaa chaahiye jis sey koi bhi maail ho wo fisal jaaye...antar tak na asar karey par ye bhi zaroori hai k prem bhakti ka bhaav gahrey antar mei baaith janaa chaahiye jis sey khichaav k wakt wo spring ki tarah ghumaavdaar SPRING SE AISAA UCHHAAL LEY K ITNI OONCHAAII TAK kheech le jaaye surat ko...bina prem bhakti k surat us oonchi gati ko nahi praapt ho sakegi par ye saralta sahajta se hi ho tou sarvochit hai...zabajasti ka kaam nahi hai....
....RADHASWAMIJI...JAI SRI KRISHNA JI...