STRI , HUMAAREY BHAAV AUR MAHABHAARAT

stri ki mahtwaakaansha aur trast hriday ki cheetkaar jab aakaash ko bhi paar kar jaati hai tou bheeshan roop leti hai..satyavati ki uchshrankhaltaa pati maharshiparashar aur putr ved vyaas ko chhorh kar naav se yaatriyo ko paar utaarney yaani vyaapaar k liye prerit karti hai aur unmukt swabhaav ki satyavati bheeshm pratigyaa ka ek kaaran banti hai aur hastinapur ka bhavishya nirdhaarit ho jata hai....fir kunti jaisi kunwaari maa karn jaisey avaidh putr k aahat aatmsammaan k aagey khadi hoti hai...draupadi jo yaagyaseni hai aur krishn ki sakhi hai arjun ki patni hotey huey bhi yudhishthir dwara vastu kahi jaati hai aur kunti jaisi maa bina dekhey us vastu ko baant deti hai 5 bhaaiiyo mei..apney hi pati dwara jua baazaar mei khadi hui aur daanv par lagaaii hui wahi preyasi patni apney hi parivaar k purusho dwara lajjit ki jaati hai beech darbaar mei aur parivaar k bujurg khaamosh rahtey hain....aur ek aahat preyasi patni ki cheetkaar hastinapur ka bhavishya nirdhaarit kar deti hai....khud hum apni bhaavnaao ko uchshrankhal banaatey hain...itni aazaadi detey hain k sab maryaadaa samaapt ho jaaein aur fir pooran parmaatmaa ka noor ye abhishipt bhaavnaaein nahi sah paati aur vaasna mei andhi maa k dhritraashtra janam leta hai jo raashtr ko dhaaran karney ki kshamta tou rakhta hai par apney andhey mahatwaakaanshaao k parvat k paar kuchh dekh hi nahi sakta aur putr moh mei andha huaa ye dhritraashtra sab maryaadaa bhool jjata hai....vaasna se , trishnaao mei doobi krishkaay aur mann se kamzor maa k paandu jaisa paandu rog se peedit napunsak putr hi janam leta hai aur us kamzor putr ki kunti jaisi patni jo rishi k aalokik mantr ka prayog kewal uphaas mei karti ho aur avaidh putr ko janam de aur tyaag dey aur paandav jaisey putro ko janam tou deti hai par un putro ko patni aur vastu mei antar nahi sikhaa paati aur draupadi jaisi stri apni hriday ki bhaavnaao ki jwala mei sab jala deti hai...aisi paristhitiyo mei mahabhaarat hi hoga....sab apni mahatvaakaanshaao mei uljhey hain...aur trishnaaoo...jhoothey aatm sammaan mei ghirey hain...pratigyaao pe pratigyaa kartey hain aur SRI KRISHNA KEWAL YAHI KAHTEY RAH JAATEY HAIN...TUM KSHATRIYA PRATIGYAA KARTEY RAHTEY HO AUR MAI TUMHAARI LAJJAA RAKHTA RAHTA HU....BHISHM PITAAMAH NEY SRI KRISHNA KI STUTI KI JAB WO SHAR SHAIYYAA PAR THHEY AUR BAARAMBAAR VAASDEV KO PRANAAM KAR K SABKO SAMHAALNEY K LIYE UNHEY PRANAAM KIYA....isi prakaar hum bhi apni bhaavnaao ka vyaappaar kartey hain aur yahan chal rahi mahabhaarat k yudhdh mei na jaaney kitni baar apni aatmaa ko bechtey hain...lajjit kartey hain aur fir kahtey hain...SRI KRISHNA GOVIND HAREY MURAAREY...HEY NATH NARAYAN VAASUDEVA...

.....Chhavi Mehrotra

....RADHASWAMIJI...JAI SRI KRISHNA JI..